पोस्टात 5 वर्षांत 132000 रुपये परतावा मिळवा, गुंतवणूक अन् व्याजाचे गणित समजून घ्या

नवी दिल्लीः अनेक पोस्ट ऑफिसच्या अशा योजना आहेत, ज्यात कमी वेळेत जास्त व्याज मिळवण्याची संधी आहे. यापैकी एक म्हणजे पोस्ट ऑफिस मासिक योजना किंवा POMIS योजना आहे, जी गॅरंटीड मासिक उत्पन्न योजना आहे. गुंतवलेल्या रकमेवर व्याज स्वरूपात हमी उत्पन्न उपलब्ध आहे. यावरील व्याजदर वित्त मंत्रालय आणि भारत सरकारद्वारे निश्चित केले जाते. अशा प्रकारे कोणत्याही प्रकारच्या त्रुटीचा प्रश्न नंतर उद्भवत नाही.

सध्या POMIS वर 6.60 टक्के व्याज दिले जाते

आर्थिक वर्षाच्या प्रत्येक तिमाहीसाठी व्याजदर जाहीर केला जातो. मासिक परतावा योजनेच्या कालावधीत गुंतवलेल्या सरकारी बाँडच्या परताव्यावर त्याचे परतावे अवलंबून असतात. सध्या POMIS वर 6.60 टक्के व्याज दिले जात आहे. या मासिक योजनेमध्ये दरमहा व्याज जमा होते. हे व्याजाचे पैसे कमाई म्हणून वापरले जाऊ शकतात. गुंतवणूकदारांना हवे असल्यास ते हे पैसे ऑटो ट्रान्सफरमध्ये टाकू शकतात. म्हणजेच व्याजाचे पैसे तुमच्या बचत खात्यात दर महिन्याला पोस्ट डेट चेक किंवा इलेक्ट्रॉनिक क्लिअरिंग सिस्टीमद्वारे जमा होत राहतील.

तर या खात्यावर 2 वर्षे व्याज मिळत राहील

मासिक योजनेची मॅच्युरिटी झाल्यावर त्याचे पैसे त्याच योजनेत जमा केले जाऊ शकतात. जर पोस्ट ऑफिस मासिक योजनेचे पैसे मुदतपूर्तीवर काढले गेले नाहीत, तर या खात्यावर 2 वर्षे व्याज मिळत राहील. व्याजाच्या रकमेवर कोणताही टीडीएस कापला जाणार नाही. व्याजाच्या स्वरूपात मिळणारी रक्कम करांच्या अधीन आहे.

POMIS मध्ये तुम्हाला किती व्याज मिळेल?

पोस्ट ऑफिस मासिक उत्पन्न योजनेतील व्याजाची गणना करणे खूप सोपे आहे. या सोप्या सूत्राने कोणताही गुंतवणूकदार व्याज उत्पन्नाची गणना करू शकतो. हे तुम्ही एका साध्या उदाहरणाद्वारे समजू शकता. कुमार यांनी 2020 मध्ये पोस्ट ऑफिस मासिक बचत योजनेत 4 लाख रुपये जमा केले. ही गुंतवणूक योजना उघडताना व्याजाचा दर 6.60 टक्के निश्चित करण्यात आला होता. जर या आधारावर व्याज मोजले गेले तर कुमार दरमहा 2200 रुपये कमावतील. अशा प्रकारे जर ही योजना 5 वर्षे चालली तर कुमारला 1,32,000 रुपये व्याज म्हणून मिळतील. म्हणजेच 4 लाख रुपये एकरकमी जमा करून तुम्ही दरमहा 2200 रुपये आरामात कमावू शकता.

मासिक योजनेचे लाभ

ही योजना बाजाराशी जोडलेली नाही, त्यामुळे बाजारातील चढ-उतारांवर काही फरक पडत नाही. या योजनेला सरकारचा पाठिंबा आहे, त्यामुळे ही योजना पूर्णपणे हमी आहे. या योजनेचे दोन प्रमुख फायदे आहेत.

हमी परतावा

या योजनेमध्ये निश्चित व्याजदर उपलब्ध आहे. प्रत्येक महिन्यात गुंतवणूकदाराला एक निश्चित उत्पन्न मिळते. हे उत्पन्न गुंतवलेल्या रकमेवर अवलंबून असते. व्याजदर सध्या 6.6%वर चालू आहे. जे पैसे गुंतवले जातील, त्या पैशाला दरमहा 6.6% दराने व्याज मिळेल.

पुन्हा गुंतवणूक करता येणार

जर गुंतवणूकदाराला हवे असेल तर तो त्याचे मासिक उत्पन्न पुन्हा गुंतवू शकतो. जर म्युच्युअल फंड किंवा इतर कोणत्याही फंडाच्या एसआयपीमध्ये एकरकमी व्याजाची गुंतवणूक केली तर पैसे वाढू शकतात. जर गुंतवणूकदाराला हवे असेल तर मासिक योजनेचे पैसे रिकरिंग डिपॉझिटमध्ये गुंतवले जाऊ शकतात. यावर नंतर मोठा नफा मिळवण्याची संधी आहे.

संबंधित बातम्या

शानदार ऑफर! 4 लाखांची कार अवघ्या 1.90 लाख रुपयांत, 1 लीटर पेट्रोलमध्ये 22 किलोमीटरचं मायलेज

EPF: हा फॉर्म भरल्याशिवाय पीएफ पैशांवर दावा करू शकणार नाही, जाणून घ्या सर्वकाही

Get a return of Rs. 132000 in 5 years in post, understand the math of investment and interest