Gold Silver Rate Today | अमेरिकेच्या धोरणांचा सोन्यावर परिणाम, सोन्या-चांदीचे दर स्थिर, जाणून घ्या आजचा भाव

Gold Silver Price Today News | आठवड्याच्या पहिल्याच दिवशी 8 ऑगस्ट रोजी सोने आणि चांदीच्या भावावर अमेरिकन बाजाराचा प्रभाव राहिला. त्यामुळे या दोन्ही मौल्यवान धातूचे दर स्थिर राहिले.

Gold Silver Rate Today | अमेरिकेच्या धोरणांचा सोन्यावर परिणाम, सोन्या-चांदीचे दर स्थिर, जाणून घ्या आजचा भाव
आजचे सोने चांदीचे दरImage Credit source: सोशल मीडिया
Follow us
| Updated on: Aug 08, 2022 | 12:53 PM

Gold Silver Price Today News | अमेरिकन बाजाराचा आंतरराष्ट्रीय सोने-चांदीच्या (Gold Silver Price Today)किंमतींवर परिणाम झाला. आठवड्याच्या पहिल्या दिवशी 8 ऑगस्ट रोजी सोमवारी देशातील सराफा बाजारात ही सोन्या-चांदीच्या किंमती स्थिर होत्या. गेल्या आठवड्यात अमेरिकेतील नोकऱ्यांच्या(Jobs in America) ठोस अहवालामुळे डॉलर आणि गंगाजळीत वाढ झाली आहे. आता पुन्हा अमेरिकी फेडरल रिझर्व्हकडून आक्रमक व्याजदर वाढीची शक्यता बळावल्यानंतर सोमवारी सोन्याचे भाव स्थिर राहिले. मागील सत्रात 1% घसरण झाल्यानंतर स्पॉट गोल्ड 1.774.09 डॉलर प्रति औंसवर आले. अमेरिकी सोने वायदे बाजार 1,790.60 डॉलरवर स्थिर होता. डॉलर निर्देशांक 106.77 वर होता, जो शुक्रवारच्या 106.93 च्या उच्चांकाच्या जवळ आहे. 28 जुलैनंतर पहिल्यांदा डॉलर सर्वात मजबूत स्थिती पोहचला आहे. अमेरिकन फेडने सप्टेंबर महिन्यात पुढील धोरणात्मक निर्णय 75 बेसिस पॉईंटने पुन्हा व्याजदर वाढवण्याची शक्यता आहे. वाढत्या महागाईविरोधात अमेरिकन मध्यवर्ती बँकेची (American Federal Bank)सुरु असलेली ही लढाई सोन्यातील गुंतवणूक बळकट करत आहे. महागाई वाढल्यानंतर सोन्यात गुंतवणूक फायदेशीर आणि सुरक्षित मानण्यात येते.

राज्यातील चार शहरातील भाव

गुड रिटर्न्स वेबसाईटनुसार मुंबईमध्ये 22 कॅरेट सोन्याची किंमत प्रति 10 ग्रॅम 47,550 रुपये आहे. मुंबईत 24 कॅरेट सोन्याची किंमत 51,870 प्रति 10 ग्रॅम आहे. पुण्यात प्रति 10 ग्रॅम 22 कॅरेट सोन्याचा दर 47,580 असेल तर 24 कॅरेट सोन्याचा दर 51,900 रुपये असेल. नागपूर मध्ये प्रति 10 ग्रॅम 22 कॅरेट सोन्याचा दर 47,580 तर 24 कॅरेट सोन्याचा दर 51,900 रुपये इतका असेल. नाशिकमध्ये 22 कॅरेट सोन्याचा दर 47,580 आहे तर प्रति 10 ग्रॅम 24 कॅरेट सोन्याचा दर 51,900 रुपये आहे. चांदीचा आजचा प्रती 10 ग्रॅमचा दर 574 रुपये आहे. उत्पादन शुल्क, राज्य कर आणि जडणघडणीसाठी आकरले जाणारे शुल्कामुळे (मेकिंग चार्जेसमुळे) सोन्याच्या दागिन्यांच्या किंमती भारतभर बदलतात.

हे सुद्धा वाचा

24, 22, 21, 18 आणि 14 कॅरेटमध्ये काय असतो फरक

24 कॅरेट सोन्याला शुद्ध सोने म्हणतात. त्यात इतर कोणत्याही प्रकारचा धातू मिसळत नाही. याला 99.9 टक्के शुद्धतेचे सोने म्हणतात. 22 कॅरेट सोन्यात 91.67 टक्के शुद्ध सोनं असतं. इतर 8.33 टक्क्यांमध्ये इतर धातू असतात. त्याचबरोबर 21 कॅरेट सोन्यात 87.5 टक्के शुद्ध सोनं असतं. 18 कॅरेटमध्ये 75 टक्के शुद्ध सोनं असतं आणि 14 कॅरेट सोन्यात 58.5 टक्के शुद्ध सोनं असतं.

सोन्याची शुद्धता कशी तपासावी?

सोन्याची शुद्धता तपासण्यासाठी एक अ‍ॅप बनवण्यात आले आहे. ‘BIS Care app’ या अ‍ॅपच्या माध्यमातून ग्राहक सोन्याची शुद्धता तपासू शकतात. तसेच या अ‍ॅपच्या मदतीने आपण फक्त सोन्याची शुद्धताच तपासू शकत नाही तर यासंबंधित तक्रारीसुद्धा नोंदवू शकतो. वस्तूंचा परवाना, नोंदणी आणि हॉलमार्क क्रमांक चुकीचा असल्याचे आढळल्यास, ग्राहक या अ‍ॅपमधून लगेच त्याबद्दल तक्रार करू शकतात. या अ‍ॅपच्या माध्यमातून ग्राहकाला तक्रार नोंदविण्याबाबतची माहितीही तत्काळ मिळणार आहे.

24 कॅरेट शुद्ध सोन्यावर 999 लिहिलेले असते.

22 कॅरेट शुद्ध सोन्यावर 916 लिहिलेले असते.

21 कॅरेट शुद्ध सोन्यावर 875 लिहिलेले असते.

18 कॅरेट शुद्ध सोन्यावर 750 लिहिलेले असते.

14 कॅरेट शुद्ध सोन्यावर 585 लिहिलेले असते.

Non Stop LIVE Update
जरांगे पाटील 4 जूनपासून उपोषणाला बसणार? मराठा आरक्षणासाठी दिली डेडलाईन
जरांगे पाटील 4 जूनपासून उपोषणाला बसणार? मराठा आरक्षणासाठी दिली डेडलाईन.
तुम्हाला कार्यसम्राट खासदार पाहिजे की नटसम्राट..दादांची कोल्हेंवर टीका
तुम्हाला कार्यसम्राट खासदार पाहिजे की नटसम्राट..दादांची कोल्हेंवर टीका.
किडनीत शिंदे गट, लिव्हरमध्ये...निंबाळकरांचा मल्हार पाटलांना खोचक टोला
किडनीत शिंदे गट, लिव्हरमध्ये...निंबाळकरांचा मल्हार पाटलांना खोचक टोला.
दोन दिवस प्रतीक्षा, नाहीतर सांगलीतून विशाल पाटील अपक्ष म्हणून लढणार?
दोन दिवस प्रतीक्षा, नाहीतर सांगलीतून विशाल पाटील अपक्ष म्हणून लढणार?.
आधी जीवेमारण्याची धमकी आता गोळीबार, सलमान खानच्या घराबाहेर काय घडलं?
आधी जीवेमारण्याची धमकी आता गोळीबार, सलमान खानच्या घराबाहेर काय घडलं?.
प्रचार तापला...टांगा पलटीवरुन सुरू झालेली जहरी टीका; रखेल, नाचे अन्...
प्रचार तापला...टांगा पलटीवरुन सुरू झालेली जहरी टीका; रखेल, नाचे अन्....
आता मनसे महायुतीचा प्रचार करणार, राज ठाकरेंनी सांगितल पाठिंब्याच कारण
आता मनसे महायुतीचा प्रचार करणार, राज ठाकरेंनी सांगितल पाठिंब्याच कारण.
मनसेला ठोकला रामराम. मनसेच्या पाठिंब्यासाठी वंचितचे वसंत मोरे आशावादी
मनसेला ठोकला रामराम. मनसेच्या पाठिंब्यासाठी वंचितचे वसंत मोरे आशावादी.
धाराशिवच्या पाटलांना अजितदादांनीच भाजपात पाठवलं? आधी पोस्टचा वाद आता..
धाराशिवच्या पाटलांना अजितदादांनीच भाजपात पाठवलं? आधी पोस्टचा वाद आता...
मुंबईतील जागेचा तिढा, वर्षा गायकवाड थेट दिल्लीला रवाना, चर्चांना उधाण
मुंबईतील जागेचा तिढा, वर्षा गायकवाड थेट दिल्लीला रवाना, चर्चांना उधाण.