Gold Price Today : सोन्याने पुन्हा फोडला घाम, दर चढेच; राजधानीत सोनं 1.55 लाखांवर
Gold Price Today 13 August Latest Updates in Marathi : जागतिक घडामोडींमुळे सोन्याच्या दरात पुन्हा तेजी आली असून त्यामुळे गुंतवणूकदारांना दिलासा मिळाला आहे, मात्र सणा-सुदीच्या दिवसांना सुरूवात होत असताना, ग्राहकांसाठी मात्र ही चिंता वाढवणारी बातमी ठरताना दिसत आहे,
देशातील सराफा बाजारात 13 ऑगस्ट रोजी सोन्याच्या किमतीत चांगली वाढ नोंदवण्यात आली आहे. राजधानी दिल्लीसह मुंबई, कोलकाता, चेन्नई, पुणे आणि बेंगळुरू यांसारख्या प्रमुख शहरांमध्ये सोन्याच्या दरात मोठी तेजी दिसून आली. जागतिक बाजारातील सकारात्मक वातावरण, सराफा बाजारातील मागणी आणि अमेरिकन बॉण्ड यील्डमधील घसरण यामुळे सोन्याला आधार मिळाला आहे. त्यामुळे किमतीत वाढ झाल्याचं दिसून आलं. राजधानी दिल्लीमध्ये सकाळच्या सत्रात 24 कॅरेट सोन्याचा दर 1,55,020 रुपये प्रति 10 ग्रॅम, तर 22 कॅरेट सोन्याचा दर 1,42,110 रुपये प्रति 10 ग्रॅम झाला. मुंबईमध्ये 24 कॅरेट सोन्याची किंमत 1,54,870 रुपये, तर 22 कॅरेट सोन्याचा भाव 1,41,960 रुपये प्रति 10 ग्रॅम नोंदवण्यात आला.
जागतिक बाजारातही सोन्याला मजबूत आधार
आंतरराष्ट्रीय बाजारात स्पॉट गोल्डचा भाव 4,412.63 डॉलर प्रति औंस या पातळीवर पोहोचला आहे. सध्या गुंतवणूकदारांचे लक्ष अमेरिकेतील महागाईच्या आकडेवारीकडे लागले आहे. या आकडेवारीच्या आधारे अमेरिकेच्या व्याजदर आणि मौद्रिक धोरणाबाबत पुढील दिशा स्पष्ट होण्याची शक्यता आहे. अमेरिकन बॉण्ड यील्डमध्ये झालेली घट सोन्यासाठी सकारात्मक ठरत आहे. त्याचबरोबर डॉलरमध्ये मोठी हालचाल न झाल्यानेही मौल्यवान धातूंना काही प्रमाणात आधार मिळाला आहे. सामान्यतः व्याजदर आणि बॉण्ड यील्ड कमी झाल्यास सोन्यासारख्या व्याज न देणाऱ्या मालमत्तेकडे गुंतवणूकदारांचा कल वाढू शकतो.
प्रमुख शहरांमध्ये सोन्याचे दर
देशातील काही प्रमुख शहरांमधील सोन्याचे सकाळचे दर समोर आले आहेत. ते खालीलप्रमाणे :
| शहर | 22 कॅरेट सोन्याचा आजचा दर (₹) | 24 कॅरेट सोन्याचा आजचा दर (₹) |
| दिल्ली | 142110 | 155020 |
| मुंबई | 141960 | 154870 |
| अहमदाबाद | 142010 | 154920 |
| चेन्नई | 142010 | 154920 |
| कोलकाता | 141960 | 154870 |
| हैदराबाद | 141960 | 154870 |
| जयपुर | 142110 | 155020 |
| भोपाळ | 142010 | 154920 |
| लखनऊ | 142110 | 155020 |
| चंदीगड | 142110 | 155020 |
याआधी युद्ध, संघर्ष आणि आंतरराष्ट्रीय तणाव वाढला की सुरक्षित गुंतवणूक म्हणून सोन्याच्या मागणीत मोठी वाढ होत असे. मात्र आता बाजाराची दिशा ठरवताना केवळ भू-राजकीय घडामोडी पुरेशा ठरत नाहीत. महागाईचा दर, व्याजदर, केंद्रीय बँकांचे मौद्रिक धोरण आणि भविष्यातील आर्थिक अपेक्षा हे सोन्याच्या किमतीवर परिणाम करणारे अधिक महत्त्वाचे घटक बनले आहेत. अहवालानुसार, 2026 च्या पहिल्या सहामाहीत हे स्पष्ट झालं की केवळ भू-राजकीय जोखमीच्या आधारावर सोन्याची तेजी दीर्घकाळ टिकेलच असे नाही.
चांदीच्या दरात मात्र घसरण
सोन्याच्या किमतीत तेजी असताना चांदीच्या दरात मात्र उलट हालचाल दिसून आली. 13 ऑगस्ट रोजी सकाळी चांदीचा भाव घसरून 2,54,900 रुपये प्रति किलोग्रॅम झाला. आंतरराष्ट्रीय बाजारात स्पॉट सिल्व्हरचा दर 66.23 डॉलर प्रति औंस इतका आहे. त्यामुळे सोन्या-चांदीच्या बाजारात सध्या वेगवेगळे कल पाहायला मिळत आहेत.
आता गुंतवणूकदारांचे लक्ष अमेरिकेतील महागाईची आकडेवारी, डॉलरची दिशा, बॉण्ड यील्ड आणि अमेरिकेच्या व्याजदरांबाबतच्या अपेक्षांकडे राहणार आहे. या घटकांमध्ये मोठे बदल झाल्यास त्याचा थेट परिणाम आंतरराष्ट्रीय सोन्याच्या दरावर आणि त्यानुसार भारतीय बाजारातील किमतींवर होऊ शकतो.
