Gold Price Today : सराफा बाजारात मोठा उलटफेर, आज तर सोन्याने … जाणून घ्या तुमच्या शहरातले दर

विविध आंतरराष्ट्रीय घडामोडी आणि त्याचे देशांतर्गत बाजारावर होणारा परिणाम यामुळे देशात सोन्याच्या दरात मोठी उलथापालथ झालेली दिसून येत आहे. देशात सोन्याच्या भावातील घसरण सुरूच आहे. 19 जूनच्या सकाळी बहुतांश शहरांमध्ये सोन्याच्या दरांमध्ये आणखी घट झाली. राजधानी दिल्लीत 24 -कॅरेट सोन्याचा भाव प्रति 10 ग्रॅम 1,49,650 रुपयांपर्यंत खाली आला आहे. त्याआधीच्या दिवशी, दिल्लीच्या सराफा बाजारात 99.9 % शुद्ध सोन्याचा भाव 960 रुपयांनी घसरून प्रति 10 ग्रॅम 1,53,400 रुपयांवर स्थिरावला होता. देशांतर्गत शेअर बाजारातील तेजी आणि डॉलरच्या तुलनेत रुपयाचे मूल्य वधारल्यामुळे सोन्याच्या भावावर घसरणीचा दबाव दिसून आला. आंतरराष्ट्रीय बाजारात ‘स्पॉट गोल्ड’चा (तात्काळ वितरणासाठीचे सोने) व्यवहार प्रति औंस 4266.47 डॉलर्सवर होत आहे.

दरम्यान, फेडरल रिझर्व्हचे अधिकारी केविन वॉर्श यांच्या विधानांवरून असं सूचित होतं की, जर अमेरिकेची अर्थव्यवस्था मजबूत राहिली, तर 2026 मध्ये व्याजदरात एकदा वाढ होऊ शकते. सोन्यासारख्या मौल्यवान धातूंसाठी ही एक नकारात्मक बाब आहे. जूनमधील बैठकीत फेडरल रिझर्व्हने आपले बेंचमार्क व्याजदर 3.5%-3.75% या पातळीवर स्थिर ठेवले होते.

देशातील प्रमुख शहरातील सोन्याचे दर

दिल्लीत 24-कॅरेट सोन्याचा दर प्रति 10 ग्रॅम 1,49,650 रुपये तर 22-कॅरेट सोन्याचा दर प्रति 10 ग्रॅम 1,37,190 रुपये आहे.

मुंबई आणि कोलकातामध्ये 22-कॅरेट सोन्याचा दर प्रति 10 ग्रॅम 1,37,040 रुपये आहे, तर 24-कॅरेट सोन्याचा दर प्रति 10 ग्रॅम 1,49,500 रुपये आहे.

चेन्नईमधील 24 -कॅरेट सोन्याचा दर प्रति 10 ग्रॅम 1,51,170 रुपये आहे. 22-कॅरेट सोन्याचा दर प्रति 10 ग्रॅम 1,39,490 रुपये आहे.

तर पुणे आणि बंगळुरू ​​या दोन्ही शहरांमध्ये 24 -कॅरेट सोन्याचा दर प्रति 10 ग्रॅम 1,49,500 रुपये आहे आणि 22-कॅरेट सोन्याचा दर प्रति 10 ग्रॅम 1,37,040 रुपये आहे.

चांदीचं काय झालं ?

सोन्याप्रमाणेच चांदीच्या दरातही घसरण झाली आहे. चांदीचा भाव प्रति किलो 2,59,900 रुपयांपर्यंत खाली आला आहे. आंतरराष्ट्रीय बाजारात ‘स्पॉट’ चांदीचा भाव प्रति औंस 68.17 डॉलर्स इतका आहे. सोने आणि चांदीचे देशांतर्गत भाव हे देशांतर्गत आणि जागतिक अशा दोन्ही घटकांमुळे प्रभावित होतात.