Gold Price Today | सलग पाचव्या दिवशी सोन्याच्या किंमती घसरल्या, आठवडाभरात 1300 रुपयांची घसरण, जाणून घ्या आजचे दर…

मुंबई : जर आपण आज सोने-चांदी खरेदी करण्याचा विचार करत असाल, तर ही चांगली संधी आहे. भारतीय बाजारात सलग पाचव्या दिवशी सोन्याच्या किंमती खाली आल्या आहेत. बुधवारी, कमकुवत जागतिक संकेतांमुळे मल्टी कमोडिटी एक्सचेंजवर (MCX) जून वायदा सोन्याच्या (Gold Rate) किंमती 0.55 टक्क्यांनी घसरल्या आहेत. सोन्याप्रमाणेच चांदीतही घसरण दिसत आहे. एमसीएक्सवर मे वायदा चांदीच्या किंमती (Silver Rate) 1.34 टक्क्यांनी घसरल्या आहेत. या आठवड्यात सोन्याची किंमत 1300 रुपयांनी स्वस्त झाली आहे (Gold Silver Price Today 28 April 2021 MCX Rates).

सोन्याची नवीन किंमत (Gold Price on MCX ) : एमसीएक्सवर बुधवारी (28 एप्रिल) जून वायदा सोन्याचे भाव घसरले आहेत. व्यवसायादरम्यान, सोन्याचे दर 262 रुपयांनी घसरले आणि 47,041 रुपये प्रति 10 ग्रॅम झाले आहेत. गेल्या सत्रातही सोन्याचे भाव 0.35 टक्क्यांनी घसरले होते.

चांदीची नवीन किंमत (Silver Price on MCX) : त्याचप्रमाणे एमसीएक्सवरील मे वायदा चांदीची किंमत 923 रुपयांनी घसरून 68,035 रुपये प्रति किलो झाली. मागील व्यापार सत्रात चांदीचा दर 0.3 टक्क्यांनी घसरला होता.

या आठवड्यात सोने 1300 रुपयांनी झाले स्वस्त!

गेल्या आठवड्यात सोन्याची किंमत दोन महिन्यांच्या उच्चांकी अर्थात 48,400 रुपये प्रति 10 ग्रॅमवर पोहोचली होती. जागतिक दरामध्ये घसरण झाल्यामुळे देशांतर्गत बाजारात सोन्याच्या किंमती खाली आल्या आहेत.

आंतरराष्ट्रीय बाजारपेठेत अमेरिकेच्या ट्रेझरी उत्पादनातील किंचित वाढ आणि डॉलर निर्देशांकातील वाढ यामुळे सोन्याच्या किंमतीवर परिणाम झाला आहे.

स्पॉट सोन्याचे दर 0.5 टक्क्यांनी घसरून 1,767.76 डॉलर प्रति औंस झाले आहेत. त्याच वेळी चांदी 0.9 टक्क्यांनी घसरून 26 डॉलर प्रति औंस झाली (Gold Silver Price Today 28 April 2021 MCX Rates.

या महिन्यात 4 हजारांनी महागले सोने

या महिन्यात भारतीय बाजारपेठेत सोन्याच्या किंमतीत 4 हजार रुपयांपेक्षाही जास्त वाढ झाली आहे. जागतिक बाजारपेठेतील रिकव्हरीमुळे सोन्याला झळाळी मिळाली आहे. या महिन्याच्या सुरुवातीस, अमेरिकन बॉन्ड यील्ड्समध्ये तेजीमुळे सोने 44000 त्या स्तरावर पोहचले होते. ज्यामुळे सेप-हेवन एसेटला धक्का बसला होता.

परंतु, अमेरिकन बाँड यील्ड्सच्या मंदीसोबतच अमेरिकन डॉलरही घसरल्यामुळे आंतरराष्ट्रीय बाजारात सोन्याच्या किंमती वाढल्या. आंतरराष्ट्रीय बाजारात आज अमेरिकन डॉलरच्या किंमतीत मंदीमुळे आणि यूएस ट्रेझरी यिल्ड्समध्ये घसरण झाल्यामुळे सोने 1,800 डॉलरच्या पातळीवर पोहोचले (Gold Silver Price Today 28 April 2021 MCX Rates).

विक्रमी उच्चांकापेक्षा 9000 रुपये स्वस्त

सध्या सोन्याच्या किंमतीत किंचित वाढ झाली असली, तरी ती अद्याप विक्रमी उच्चांकापेक्षा सुमारे 9000 रुपये कमी आहे. वास्तविक, कोरोनाच्या पहिल्या लाटेने सोन्याच्या किंमतींमध्ये एक नवीन विक्रम स्थापित केला. गेल्या वर्षी ऑगस्टमध्ये सोन्याचे भाव 56000च्या पातळीवर गेले होते, ते आता घसरून प्रति दहा ग्रॅम 47 ते 48,000 पर्यंत खाली आले आहे.

सोन्याची किंमत या घटकांवर अवलंबून

सोन्याची किंमत ठरविणार्‍या घटकांविषयी बोलताना यामध्ये मागणी आणि पुरवठा, रुपया आणि डॉलरचा विनिमय दर आणि जागतिक बाजारपेठेतील सोन्याची किंमत, महागाई, आयात शुल्क, जीएसटी इत्यादींचा समावेश आहे. जीएसटी आणि इतर स्थानिक कर राज्यानुसार बदलू शकतात. काही व्यवसाय संस्था रिझर्व्ह बँकेने दिलेला दरही स्वीकारतात. अलीकडील काळात सोन्याच्या किमतींबद्दल लोकांमध्ये चर्चा वाढलीय. याकडे आता लक्ष वेधले जाऊ शकते, परंतु वेगवेगळ्या दुकानात सोन्याच्या किमतींमध्ये फरक ही एक सामान्य बाब आहे.

(Gold Silver Price Today 28 April 2021 MCX Rates)

हेही वाचा :

खासगी बँकांबाबत आरबीआयचा मोठा निर्णय, थेट एमडी, सीईओवर होईल परिणाम

डॉक्टर आणि नर्सेसना मोफत हवाई सफर; ‘या’ विमान कंपनीची जबरदस्त ऑफर

Post Office MIS: फक्त 1000 रुपये भरून दरमहा 4950 रुपये मिळवा, जबरदस्त फायदा#postofficeMIS #PostOfficeMISscheme #postofficeschemeshttps://t.co/dxWTdLGzOV

— TV9 Marathi (@TV9Marathi) April 27, 2021