Gold Silver Rate | सोन्याच्या दरात सातत्याने घसरण, खरेदीचा विचार करताय? तर, वाचा आजचे दर…
सोने खरेदीमध्ये गुंवणूक करण्याचे प्रमाण काहीसे वाढताना दिसत आहे. सोन्याच्या भावात सातत्याने घसरण होताना दिसत आहे.
मुंबई : सोने खरेदीमध्ये गुंवणूक करण्याचे प्रमाण काहीसे वाढताना दिसत आहे. सोन्याच्या भावात सातत्याने घसरण होताना दिसत आहे. तर, दुसरीकडे चांदीच्या दारात काहीशी वाढ झालेली दिसली आहे. काही महिन्यांपूर्वी जवळपास 56 हजारांपर्यंत गेलेल्या सोन्याच्या किंमतीत आता मोठी घसरण पाहायला मिळाली. आज सुवर्णनगरी जळगावात सोन्याचा दर 49, 558 रुपये प्रति तोळा आहे. तर चांदीचा दर 69,700 रुपये प्रति किलो इतका आहे (Gold Silver Price Today on 18 January 2021 Maharashtra Mumbai pune latest rate and updates).
कोरोनाच्या जीवघेण्या (Corona Vaccination) संसर्गानंतर आता लसीकरणाला देशभरात सुरुवात झाली आहे. 16 जानेवारीपासून संपूर्ण देशात लसीकरण कार्यक्रम सुरू झाला आहे. याच पार्श्वभूमीवर सोन्याच्या दरात घट (Gold Silver price fall) झाल्याचं पाहायला मिळालं आहे.
जळगाव सराफा बाजार – आठवडाभरातील सोन्याचे भाव (प्रति ग्रॅम)
11 जानेवारी – 5 हजार 1 रुपये
12 जानेवारी – 5 हजार 1 रुपये
13 जानेवारी – 5 हजार 20 रुपये
14 जानेवारी – 5 हजार 16 रुपये
15 जानेवारी – 4 हजार 993 रुपये
16 जानेवारी – 4 हजार 954 रुपये
17 जानेवारी – 5 हजार 30 रुपये
18 जानेवारी – 4 हजार 956 रुपये
मुंबईतील सोन्या-चांदीचा दर :
जळगावच्या तुलनेत मुंबईत मात्र आज सोन्याचा आणि चांदीचा भाव आणखी घसरलेला पाहायला मिळाला. मुंबईत सोन्याचा दर 48,890 रुपये प्रति तोळा आहे. तर चांदीचा दर 65,500 रुपये प्रति किलो इतका आहे (Gold Silver Price Today on 18 January 2021 Maharashtra Mumbai pune latest rate and updates).
नागपूरमधील सोन्या-चांदीचा दर :
गुड रिटर्न्सच्या रिपोर्ट नुसार नागपुरात जळगाव आणि मुंबईच्या तुलनेत सोन्याचा आणि चांदीचा दर गडगडलेला दिसला आहे. नागपुरात आज (18 जानेवारी) सोन्याचा दर 47,890 रुपये प्रति तोळा आहे. तर चांदीचा दर 65,500 रुपये प्रति किलो इतका आहे.
पुण्यातील सोने-चांदी दर :
मुंबई-नागपूर प्रमाणेच पुण्यातही सोन्या-चांदीचा दर उतरलेला पाहायला मिळाला. पुण्यात आज (18 जानेवारी) सोन्याचा दर 48,890 रुपये प्रति तोळा आहे. तर चांदीचा दर 65,500 रुपये प्रति किलो इतका आहे.
मागणीला गती येणार (World Gold Council)
वर्ल्ड गोल्ड काऊंन्सिलच्या (World Gold Council) म्हणण्यानुसार, कोरोना लसीच्या बातम्यांमुळे सन 2020च्या उत्तरार्धात सोन्याची मागणी कमी झाली आणि यामुळे किमती देखील उतरतीला आल्या आहेत. परंतु, लवकरच सोन्याची मागणी वाढणार आहे. जर मागणीत तेजी आली, तर किंमत देखील वाढेल. जगातील सोन्याचा सर्वात मोठा ग्राहक भारत आहे.
मागील आठवड्यात सोन्याच्या किंमतीत मोठी घसरण
गेल्या आठवड्यात सोन्याच्या किंमतीत मोठी घसरण पाहायला मिळाली. गेल्या आठवड्यात सोमवारी 11 जानेवारीला MCX वर सोन्याची किंमत 48 हजार 786 रुपये प्रति तोळा होती. तर यापूर्वी 1 तोळा सोन्याची किमंत 48 हजार 967 रुपयावर बाजार बंद झाला होता. म्हणजे गेल्या आठवड्यात सोन्याच्या किंमतीत प्रति तोळा 265 रुपयांनी घसरण पाहायला मिळाली.
(Gold Silver Price Today on 18 January 2021 Maharashtra Mumbai pune latest rate and updates)
हेही वाचा :
Gold Price | 5 महिन्यात सोनं 8 हजार 400 रुपयांनी घसरलं, तर चांदी 14 हजार 400 रुपयांनी स्वस्त, आजचा दर काय? https://t.co/MPrHEUA5Ox @CMOMaharashtra #goldrate #silver #Mumbai #Pune
— TV9 Marathi (@TV9Marathi) January 17, 2021
