Gold Silver Rate Today | सोन्याने मरगळ झटकली, चांदी इतकी वधारली, अशा आहेत किंमती

नवी दिल्ली | 15 March 2024 : या आठवड्याच्या सुरुवातीला सोने आणि चांदीने ग्राहकांना दिलासा दिला. तेजीच्या तुफान पहिला ब्रेक लागला. सोमवार ते बुधवार किंमती वाढल्या नाहीत. उलट त्यात घसरण झाली. चांदीने पण ग्राहकांना दिलासा दिला. पण आठवड्याच्या अखेरच्या सत्रात दोन्ही धातूंनी पुन्हा उचल खाल्ली. किंमतीत पुन्हा वाढ झाली. गेल्या आठवड्यात किंमतींनी कहर केला होता. 1 ते 10 मार्च दरम्यान सोने आणि चांदीत तुफान तेजी आली. परिणामी ग्राहकांना अजूनही चढ्या दरानेच मौल्यवान धातूची खरेदी करावी लागत आहे. काय आहेत सोने आणि चांदीच्या किंमती (Gold Silver Price Today 15 March 2024)..

1. सोन्याने घेतली उसळी – मार्च महिन्यात, सुरुवातीला दहा दिवसांत सोने 3,430 रुपयांनी वधारले. 10-11 मार्च रोजी किंमती स्थिर होत्या. 12 मार्च रोजी किंमती किरकोळ 10 रुपयांनी कमी झाल्या. 13 मार्च रोजी यामध्ये 420 रुपयांची घसरण झाली. 14 मार्च रोजी सोने 250 रुपयांनी वधारले. गुडरिटर्न्सनुसार, आता 22 कॅरेट सोने 60,750 रुपये प्रति 10 ग्रॅम तर 24 कॅरेट सोन्याचा भाव 66,260 रुपये प्रति 10 ग्रॅम आहे.
2. चांदीची 1800 रुपयांची भरारी – या महिन्यात सुरुवतीला दहा दिवसांत चांदी 3 हजार रुपयांनी वधारली. या आठवड्यात सोमवारी पहिल्या दिवशी चांदी 100 रुपयांनी उतरली. तर 12 मार्च रोजी 500 रुपयांनी दरवाढ झाली. 13 मार्च रोजी 900 रुपयांची मोठी घसरण झाली. तर 14 मार्च रोजी 1800 रुपयांनी किंमती वधारल्या. गुडरिटर्न्सनुसार, एक किलो चांदीचा भाव आता 77,000 रुपये आहे.
3. 14 ते 24 कॅरेटचा भाव काय – इंडियन बुलियन्स अँड ज्वेलर्स असोसिएशननुसार (IBJA), सोने आणि चांदी उतरले. 24 कॅरेट सोने 65,523 रुपये, 23 कॅरेट 65,261 रुपये, 22 कॅरेट सोने 60,019 रुपये झाले.18 कॅरेट 49,142 रुपये, 14 कॅरेट सोने 38,331 रुपये प्रति 10 ग्रॅमवर पोहचले. एक किलो चांदीचा भाव 73,781रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.