Gold Silver Rate Today : सोने-चांदीची पुन्हा भरारी; सराफा बाजारात जाताना खिसा ठेवा गरम
Gold Silver Rate Today : सोने-चांदीने या आठवड्यात दमदार सुरुवात केली आहे. शेअर बाजार चमकला आणि दुपारनंतर घसरला. पण सोने-चांदीची घौडदौड सुरुच आहे. एका आठवड्यापूर्वी रेकॉर्डवर रेकॉर्ड करणाऱ्या मौल्यवान धातूने पुन्हा खेळी खेळली आहे. त्यामुळे ग्राहकांना लग्नसराईत खिसा गरम ठेवावा लागणार आहे. त्यांना जादा दाम मोजावे लागू शकतात.
नवी दिल्ली | 21 डिसेंबर 2023 : सोने-चांदीने दहा दिवसांपूर्वी ग्राहकांच्या तोंडचे पाणी पळवले होते. दरवाढीच्या बॉम्बने सराफा बाजारात जणू शुकशुकाट होतो की काय अशी परिस्थितीत झाली होती. सोन्याने 65,000 हजारांचा टप्पा ओलांडला होता. तर चांदीने 80 हजारांकडे घौडदौड सुरु केली होती. पण या वेगाला ब्रेक लागला. किंमती खाली आल्या. गेल्या आठवड्याच्या सुरुवातीला मौल्यवान धातूत घसरण झाली. पण शेवटच्या दिवसात आणि या आठवड्यात दोन्ही धातूंचा जोर कायम आहे. दरवाढ सुरु झाली आहे. सोन्याच्या या खेळीने पुन्हा एकदा ग्राहकांची चिंता वाढली आहे. सोने-चांदी (Gold Silver Price Today 21 December 2023) विक्रमाला गवसणी घालणार का? नवीन विक्रम करणार का, याविषयी तज्ज्ञांच्या मनात संभ्रम असला तरी सोने-चांदीने आगेकूच सुरु ठेवली आहे.
सोन्यात 500 रुपयांची भर
गेल्या आठवड्यात सोने 1100 रुपयांनी वधारले. आठवड्याच्या सुरुवातीला 19 डिसेंबर रोजी सोन्याचा भाव 100 रुपयांनी वधारला. 20 डिसेंबर सोन्याने रोजी 380 रुपयांची झेप घेतली.गुडरिटर्न्सनुसार, आता 22 कॅरेट सोने 57,900 रुपये प्रति 10 ग्रॅम तर 24 कॅरेट सोन्याचा भाव 63,150 रुपये प्रति 10 ग्रॅम आहे.
चांदी चमकली
आठवड्याच्या सुरुवातीला चांदीत 300 रुपयांची वाढ झाली. गेल्या आठवड्यात चांदीने 3500 रुपयांची उसळी घेतली होती. 18 डिसेंबर रोजी चांदी 300 रुपयांनी वधारली. 19 डिसेंबर रोजी चांदीत 500 रुपयांची घसरण झाली. तर 20 डिसेंबर रोजी चांदीने 1 हजार रुपयांची उसळी घेतली. गुडरिटर्न्सनुसार, एक किलो चांदीचा भाव 78,500 रुपये आहे.
14 ते 24 कॅरेटचा भाव काय
इंडियन बुलियन्स अँड ज्वेलर्स असोसिएशननुसार (IBJA), 24 कॅरेट सोने 62,302 रुपये, 23 कॅरेट 62,052 रुपये, 22 कॅरेट सोने 57,069 रुपये झाले. 18 कॅरेट 46,727 रुपये, 14 कॅरेट सोने 36,447 रुपये प्रति 10 ग्रॅमवर पोहचले. एक किलो चांदीचा भाव 73,742 रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.
BIS Care APP
सोनार तुम्हाला गंडवत असल्याची शंका असल्यास, अथवा तुम्हाला सोन्याची शुद्धता तपासायची असल्यास तुमच्या मोबाईलमध्ये BIS Care APP डाऊनलोड करा. प्ले स्टोअरमध्ये जाऊन तुम्ही हे बीआयएस ॲप घेऊ शकता. तुम्ही खरेदी केलेल्या सोन्यावर त्याचा हॉलमार्क क्रमांक (HUID) अंकित असतो. हा क्रमांक टाकल्यास हॉलमार्किंगची संपूर्ण माहिती समोर येईल आणि सर्वात शेवटी हे सोने किती कॅरेटचे आहे ते समोर येईल
