Gold Silver Rate Today 23 August 2024 : गुडन्यूज, 10 ग्रॅम सोन्यासाठी आता इतके कमी मोजा पैसे, चांदी पण नरमली, काय आहेत आता किंमती
Gold Silver Rate Today 23 August 2024 : आठवड्याच्या अखेरीस सोने आणि चांदीने नरमाईचा सूर आळवला. या आठवड्यात चांदी एक हजार रुपयांनी तर सोने 600 रुपयांनी वधारले होते. आता सोने स्वस्त झाले आहे. तर गेल्या दोन दिवसांपासून चांदीत नरमाईचे सत्र आहे.
या आठवड्याच्या अखेरीस सोने आणि चांदीने नरमाईचा सूर आळवल्याने ग्राहकांना दिलासा मिळाला. या आठवड्याच्या सुरुवातीला दोन्ही धातूत मोठा बदल झाला नाही. नंतर भावात वाढ झाली. सोन्याने 550 रुपयांची झेप घेतली तर चांदी 1,000 रुपयांनी वधारली होती. त्यानंतर किंमतीत मोठा बदल दिसला नाही. आता गुरुवारपासून सोन्यात नरमाईचे सत्र आहे. चांदीची किंमत स्थिर आहे. आता काय आहेत मौल्यवान धातूचे भाव (Gold Silver Price Today 23 August 2024 )
सोन्याचा भाव उतरला
या आठवड्याच्या सुरुवातीला सोन्याच्या भावात मोठा बदल झाला नाही. तर 20 ऑगस्ट रोजी 120 रुपयांची घसरण झाली. 21ऑगस्ट रोजी सोने अनुक्रमे 550 वधारले. तर 22 ऑगस्ट रोजी सोन्यात 380 रुपयांची घसरण झाली. आज सकाळच्या सत्रात मौल्यवान धातूच्या किंमतीत घसरणीचे संकेत दिसत आहे. गुडरिटर्न्सनुसार, आता 22 कॅरेट सोने 66,950 रुपये प्रति 10 ग्रॅम तर 24 कॅरेट सोन्याचा भाव 72,970 रुपये प्रति 10 ग्रॅम आहे.
चांदीचा भाव स्थिर
गेल्या आठवड्यात चांदीने 4,000 रुपयांची मुसंडी मारली होती. या आठवड्याच्या सुरुवातीला चांदीत कोणताच बदल दिसला नाही. 20 ऑगस्ट रोजी चांदी 1 हजार रुपयांनी वधारली होती. 21 आणि 22 ऑगस्ट रोजी चांदीचा भाव स्थिर होता. आज सकाळच्या सत्रात चांदीने घसरणीचे संकेत दिले आहे. गुडरिटर्न्सनुसार, एक किलो चांदीचा भाव 86,900 रुपये आहे.
14 ते 24 कॅरेटचा भाव काय
इंडियन बुलियन्स अँड ज्वेलर्स असोसिएशननुसार (IBJA), 24 कॅरेट सोने 71,599, 23 कॅरेट 71,312, 22 कॅरेट सोने 65,585 रुपयांवर घसरले. 18 कॅरेट आता 53,699 रुपये, 14 कॅरेट सोने 41,885 रुपये प्रति 10 ग्रॅमवर आहे. एक किलो चांदीचा भाव 84,820 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.
घरबसल्या जाणून घ्या भाव
सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.
