Gold Silver Rate Today 4 May 2024 : सोने-चांदीचा डाबडुबलीचा खेळ; दरवाढीनंतर झाला गेम, आता किंमती पुन्हा झाल्या कमी

सोने आणि चांदीने या आठवड्यात आणि मे महिन्याच्या सुरुवातीला ग्राहकांना मोठा दिलासा दिला. मार्च आणि एप्रिल महिन्यातील मौल्यवान धातूच्या भरारीने खरेदीदारांचे डोळे पांढरे झाले होते. ग्राहकांना या काळात मोठा फटका बसला. गुडरिटर्न्सनुसार, 1 मार्च 2024 रोजी 22 कॅरेट सोने 57,740 रुपये प्रति 10 ग्रॅम तर 24 कॅरेट सोन्याचा भाव 62,980 रुपये प्रति 10 ग्रॅम होता. तो आता थेट 22 कॅरेट सोने 65,900 रुपये प्रति 10 ग्रॅम तर 24 कॅरेट सोन्याचा भाव 71,880 रुपये प्रति 10 ग्रॅम आहे. बेशकिंमती धातूने दोन महिन्यातच जवळपास 8 हजार रुपयांचा दरवाढीचा टप्पा गाठला. काय आहेत सोने-चांदीची किंमत (Gold Silver Price Today 4 May 2024 )

सोने फिरले माघारी

या आठवड्याच्या सुरुवातीला 29 एप्रिल रोजी सोने 300 रुपयांनी उतरले. 30 एप्रिलला त्यात बदल झाला नाही.1 मे रोजी सोने 1,000 रुपयांनी स्वस्त झाले.2 मे रोजी सोने 700 रुपयांनी महागले. तर 3 मे रोजी 500 रुपयांनी पु्न्हा भाव उतरले. गुडरिटर्न्सनुसार, आता 22 कॅरेट सोने 65,900 रुपये प्रति 10 ग्रॅम तर 24 कॅरेट सोन्याचा भाव 71,880 रुपये प्रति 10 ग्रॅम आहे.

चांदी जैसे थे

17 एप्रिलपासून चांदीत सलग उसळी दिसली नाही. चांदी नरमली आहे. 29 एप्रिल रोजी किंमत कायम आहे. 30 एप्रिलला चांदी 500 रुपयांनी कमी झाली. 1 मे रोजी किंमती स्थिर होत्या. 2 मे रोजी भाव 500 रुपयांनी वाढले. त्यानंतर भावात बदल झाला नाही. गुडरिटर्न्सनुसार, एक किलो चांदीचा भाव 83,500 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), सोन्यासह चांदी स्वस्त झाली. असोसिएशनने अजून किंमती अपडेट केलेल्या नव्हत्या. 24 कॅरेट सोने 71,191 रुपये, 23 कॅरेट 70,906 रुपये, 22 कॅरेट सोने 65,211 रुपये झाले. 18 कॅरेट 53,393 रुपये, 14 कॅरेट सोने 41,647 रुपये प्रति 10 ग्रॅमवर पोहचले. एक किलो चांदीचा भाव 79,989 रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

किंमती मिस्ड कॉलवर

22 कॅरेट आणि 18 कॅरेट सोने खरेदी करण्यापूर्वी त्याच्या किंमती एका मिस्ड कॉलवर कळतील. तुम्ही 8955664433 या क्रमांकावर मिस्ड कॉल करु शकता. त्यानंतर तुमच्या मोबाईल क्रमांकावर एसएमएस (SMS) येईल. त्याआधारे तुम्हाला किंमती कळतील. तसेच भाव जाणून घेण्यासाठी तुम्ही www.ibja.co वा ibjarates.com या ठिकाणी माहिती घेऊ शकता.