Gold Silver Rate Today 5 November 2024 : दिवाळी सरताच सोने-चांदी जमिनीवर, किंमतीत मोठी पडझड, आता असे आहेत भाव

या दिवाळीत लक्ष्मी पूजनाला सोने आणि चांदीने दरवाढीचा उच्चांक गाठला. सोन्याने 81 हजारांचा टप्पा ओलांडला तर चांदीने 1 लाखांचा टप्पा गाठला. ऐन दिवाळीत दरवाढ झाल्याने ग्राहकांच्या खिशाला भुर्दंड बसला. दोन्ही धातुनी यावेळी नव्या विक्रमाला गवसणी घातली. तरीही सराफा बाजारात ग्राहकांची भाऊगर्दी झाली होती. दिवाळीत पाडव्याला किंमतीत घसरण झाली. आता दिवळी सरताच मौल्यवान धातुनी माघार घेतली. त्यांच्या किंमतीत पडझड झाली. या आठवड्याच्या सुरुवातीला किंमतीत नरमाई आली. आता असा आहे सोने आणि चांदीचा भाव (Gold Silver Price Today 5 November 2024 )

दोन हजारांच्या उसळीनंतर किंमतीत घसरण

गेल्या आठवड्यात सोन्याने जवळपास दोन हजारांचा टप्पा गाठला. सोने 2 हजारांनी वधारले. तर त्यात 770 रुपयांची घसरण झाली. ग्राहकांना काहीसा दिलासा मिळाला. या आठवड्याच्या सुरुवातीला भावात मोठा बदल झाला नाही. आज सकाळच्या सत्रात सोन्यात घसरणीचे संकेत मिळत आहेत. गुडरिटर्न्सनुसार, आता 22 कॅरेट सोने 73,800 रुपये प्रति 10 ग्रॅम तर 24 कॅरेट सोन्याचा भाव 80,055 रुपये प्रति 10 ग्रॅम आहे.

चांदी @97,000

गेल्या आठवड्यात चांदी 2 हजारांनी वधारली. तर आठवड्याच्या अखेरीस चांदीत 3 हजारांची घसरण झाली. या आठवड्याच्या सुरुवातीला किंमती स्थिर होत्या. तर आज सकाळच्या सत्रात चांदीत घसरणीचे संकेत मिळत आहेत. गुडरिटर्न्सनुसार, एक किलो चांदीचा भाव 97,000 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 78,518, 23 कॅरेट 78,204, 22 कॅरेट सोने 71,923 रुपयांवर घसरले. 18 कॅरेट आता 58,889 रुपये, 14 कॅरेट सोने 45,933 रुपये प्रति 10 ग्रॅमवर आहे. एक किलो चांदीचा भाव 94,482 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.