Gold Silver Rate Today : सोन्याचा रुबाब कायम, चांदीने घेतली माघार, भाव तरी काय

नवी दिल्ली | 5 सप्टेंबर 2023 : जागतिक बाजारात सोन्यात सलग दोन दिवसांपासून पडझड सुरु आहे. पण भारतीय बाजारात या महिन्यात सोन्याने मुसंडी मारली आहे. चांदीने मात्र परतीचा प्रवास सुरु केला आहे. या महिन्यात सोने उसळले तर चांदीत घसरण झाली आहे. चीनच्या खेळीमुळे जागतिक बाजारात सोन्यात घसरण सुरु आहे. तसेच अमेरिकन फेडरल रिझर्व्ह बँक आता कोणते धोरण स्वीकारते याकडे गुंतवणूकदारांचे लक्ष लागले आहे. त्याचा परिणाम दिसत आहे. जुलै महिन्यात सोने-चांदीने (Gold-Silver Price Today 5 September 2023) मोठी झेप घेतली होती. ऑगस्ट महिन्यात या दरवाढीला ब्रेक लागला. पण शेवटच्या सत्रात दोन्ही धातूंनी मोठी झेप घेतली. तरीही त्यांना कोणताच रेकॉर्ड करता आलेला नाही. सप्टेंबर महिन्यात सोने उसळले असले तरी चांदी चमकली नाही. दोन्ही धातूंमध्ये चढउताराचे सत्र आहे. सोने-चांदीचा असा भाव आहे.

सोन्याची उसळी

गुडरिटर्न्सनुसार, ऑगस्ट महिन्याच्या शेवटच्या सत्रात सोन्याने 600 रुपयांची उसळी घेतली होती. सप्टेंबर महिन्यातही तेजीचे सत्र सुरु आहे. 1 सप्टेंबरला भाव घसरले. तर 2 सप्टेंबरला 150 रुपयांची वाढ झाली. 3 तारखेला भावात बदल झाला नाही. 4 सप्टेंबर रोजी भाव 100 रुपयांनी वधारले. 22 कॅरेट सोने 55,450 रुपये प्रति 10 ग्रॅम तर 24 कॅरेट सोन्याचा भाव 60,470 रुपये प्रति 10 ग्रॅम असा होता.

चांदीत घसरण

सप्टेंबर महिन्यात चांदीला कमाल करता आली नाही. 1 सप्टेंबर रोजी चांदीत 500 रुपयांची तर 2 सप्टेंबर रोजी चांदीत 200 रुपयांची घसरण झाली. 4 सप्टेंबर रोजी चांदीत किलोमागे 700 रुपयांची घसरण झाली.ऑगस्ट महिन्यात 16 ऑगस्टनंतर चांदीने मोठी भरारी घेतली होती. चांदीत जवळपास 4000 रुपयांची वाढ नोंदविण्यात आली होती.. गुडरिटर्न्सनुसार, सध्या एक किलो चांदीचा भाव 76,200 रुपये आहे.

14 ते 24 कॅरेट सोन्याचा भाव

24 कॅरेट सोने 59,393 रुपये, 23 कॅरेट 59,155 रुपये, 22 कॅरेट सोने 54,404 रुपये, 18 कॅरेट 44545 रुपये, 14 कॅरेट सोने 34,745 रुपये प्रति 10 ग्रॅमवर पोहचले. चांदीचा भाव 73,298 रुपये होता. इंडियन बुलियन्स अँड ज्वेलर्स असोसिएशनने हा भाव जाहीर केला आहे. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

BIS Care APP

सोनार तुम्हाला गंडवत असल्याची शंका असल्यास, अथवा तुम्हाला सोन्याची शुद्धता तपासायची असल्यास तुमच्या मोबाईलमध्ये BIS Care APP डाऊनलोड करा. प्ले स्टोअरमध्ये जाऊन तुम्ही हे बीआयएस ॲप घेऊ शकता. तुम्ही खरेदी केलेल्या सोन्यावर त्याचा हॉलमार्क क्रमांक (HUID) अंकित असतो. हा क्रमांक टाकल्यास हॉलमार्किंगची संपूर्ण माहिती समोर येईल आणि सर्वात शेवटी हे सोने किती कॅरेटचे आहे ते समोर येईल.