Gold Silver Rate Today 9 March 2025 : सोन्याचे तळ्यातमळ्यात, चांदी महाग, काय आहेत किंमती?

या आठवड्याच्या सुरुवातीलाच दोन दिवसात 1360 रुपयांनी सोने महागले. पण नंतर सलग सोने स्वस्त झाले. चांदी या आठवड्यात वधारली. सोन्याचे तळ्यात-मळ्यात असे धोरण दिसले. तर चांदीने ग्राहकांना अचंबित केले. गेल्या काही दिवसांपासून चांदीत चढउताराचे सत्र सुरू होते. या आठवड्यात चांदीने मोठी झेप घेतली. चांदी पुन्हा लाखाच्या उंबरठ्यावर दाखल झाली आहे. आता 18K, 22K, 24K सोन्याच्या तर एक किलो चांदीचा भाव जाणून घ्या…(Gold Silver Price Today 9 March 2025 )

सोन्यात चढउताराचे सत्र

या आठवड्यात सोमवारी 760 तर मंगळवारी 600 रुपयांनी सोने महागले होते. त्यानंतर बुधवारी 490 रुपयांनी आणि गुरुवारी 330 रुपयांनी सोने उतरले. तेव्हापासून धातुत नरमाई आहे. गुडरिटर्न्सनुसार, आता 22 कॅरेट सोने 80,050 रुपये प्रति 10 ग्रॅम तर 24 कॅरेट सोन्याचा भाव 87,310 रुपये प्रति 10 ग्रॅम आहे.

चांदी सुसाट

या आठवड्यात 2100 रुपयांनी चांदी महागली. सोमवारी आणि बुधवारी 1,000 रुपयांनी वधारली. गुरुवारी शंभर रुपयांनी किमत वाढली. गेल्या आठवड्यात चांदी 5 हजारांनी उतरली होती. तर गुडरिटर्न्सनुसार, एक किलो चांदीचा भाव 99,100 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 86,059, 23 कॅरेट 85,714, 22 कॅरेट सोने 78,830 रुपयांवर आहे. 18 कॅरेट आता 64,544 रुपये, 14 कॅरेट सोने 50,345 रुपये प्रति 10 ग्रॅमवर आहे. एक किलो चांदीचा भाव 96,724 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.