AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Gold Silver Rate Today : सोन्याने फुंकली तुतारी! चांदीचा टॉप गिअर, खरेदीदार पावसाळ्यात घामाघूम

Gold Silver Rate Today : अमेरिकेन डॉलर तोंडावर आपटल्या बरोबरच सोन्यात चमकल आली तर चांदीने संबळ वाजवला. दोन्ही धातूंच्या किंमतीत जोरदार वाढ झाली. सराफा बाजारात दरवाढीने चैतन्य संचारले. तर खरेदीदारांना घाम फुटला.

Gold Silver Rate Today : सोन्याने फुंकली तुतारी! चांदीचा टॉप गिअर, खरेदीदार पावसाळ्यात घामाघूम
| Updated on: Jul 14, 2023 | 9:23 AM
Share

नवी दिल्ली : सोन्याला अखेर अच्छे दिन आले. मे आणि जूनमधली मरगळ एका झटक्यात फेकून दिली. सोने आणि चांदीने जोरदार मुसंडी मारली. मे आणि जून महिन्यात दोन्ही धातूंच्या किंमती घसरल्या होत्या. सोने तर 58000 रुपयांपर्यंत खाली घसरले होते. तर चांदीने 70,000 रुपयांची सपोर्ट लेव्हलपेक्षा कमी दर गाठला होता. त्यावेळी सराफा बाजारात खरेदीदारांनी गर्दी केली होती. गुंतवणूकदारांनी भविष्यात किंमती वधारण्याचा अंदाज घेत, गुंतवणूक केली. त्यांच्या चाणाक्षपणाचा आता फायदा होईल. अमेरिकन डॉलर तोंडावर आपटल्याबरोबरच जागतिक बाजारात सोने-चांदीने (Gold Silver Price Today) पुन्हा भरारी घेतली. दोन्ही धातूंच्या किंमतीत मोठी वाढ झाली. या घडामोडींचा बाजारात लागलीच परिणाम दिसला. सराफा बाजारात दरवाढीने चैतन्य संचारले. तर खरेदीदारांना घाम फुटला.

एप्रिलनंतरची मोठी उसळी शुक्रवारच्या सत्रात 14 जुलै रोजी जागतिक बाजारात सोन्याने जोरदार मुसंडी मारली. एप्रिल महिन्यानंतरची ही मोठी दरवाढ असल्याचा दावा करण्यात येत आहे. स्पॉट गोल्ड सध्या 1,958.345 प्रति औंस डॉलरवर आहे. तर अमेरिकन फ्युचर गोल्डचा सध्याचा भाव 1,963 प्रति औंस डॉलर आहे.

डॉलर आपटला महागाईच्या आकड्यांचा मोठा परिणाम डॉलरवर दिसून आला. डॉलर दणकावून आपटला. गेल्या वर्षभराच्या निच्चांकावर डॉलर पोहचला. एप्रिल 2022 नंतर डॉलर निच्चांकावर आल्याचे बाजारातील घडामोडींवरुन दिसून येत आहे. आता अमेरिकन केंद्रीय बँक, फेडरल रिझर्व्हच्या भूमिकेनंतर डॉलरला किती बळ मिळते हे समोर येईल.

सोने-चांदीची उसळी जुलै महिन्यात खऱ्या अर्थाने सोने उजळले आहे. मे आणि जून महिन्यातील मरगळ सोन्याने झटकून टाकली. सोने 1300 रुपयांनी वधारले. तर चांदीने जोरदार मुसंडी मारली. चांदीने जवळपास 5 हजार रुपयांची उसळी घेतली. यामुळे गुंतवणूकदार मालदार झाले आहेत.

या महिन्यात भरारी 14 जुलै रोजीचे दर अपडेट झालेले नाही. 13 जुलै रोजी सोन्यात 350 रुपयांची वृद्धी झाली. 12 जुलै रोजी, सोने 200 रुपयांनी वधारले होते. 8 जुलै रोजी सोने थेट 400 रुपयांनी वाढले. 4 जुलै आणि 6 जुलै रोजी सोन्यात प्रत्येकी 100 रुपयांची दरवाढ झाली होती. 1 जुलै रोजी सोन्यात 220 रुपयांची वृद्धी दिसून आली होती. गुडरिटर्न्सनुसार, या महिन्यात 3, 7, आणि 10 जुलै रोजी सोन्यात प्रत्येकी 100 रुपयांची घसरण झाली.13 जुलै रोजी, 22 कॅरेट सोने 55,150 रुपये तर 24 कॅरेट सोने 60,150 रुपये प्रति 10 ग्रॅमवर पोहचले.

14 ते 24 कॅरेट सोन्याचा भाव

  1. 1213 जुलै, 24 कॅरेट सोने 59,329 रुपये
  2. 23 कॅरेट 59,091 रुपये
  3. 22 कॅरेट सोने 54,345 रुपये
  4. 18 कॅरेट 44,497 रुपये
  5. 14 कॅरेट सोने 34,708 रुपये प्रति 10 ग्रॅमवर पोहचले
  6. इंडियन बुलियन्स अँड ज्वेलर्स असोसिएशनने हा भाव जाहीर केला आहे
  7. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते
  8. तर सराफा बाजारात शुल्क आणि कराचा समावेश होत असल्याने भावात तफावत दिसून येते

Follow Us
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा