नोटाबंदीचा गेम: 25 कोटींच्या नोटांच्या बदल्यात द्यावा लागला 42 कोटींचा टॅक्स, जाणून घ्या संपूर्ण प्रकरण

नवी दिल्लीः 8 नोव्हेंबर 2016 रोजी रात्री 8 वाजता पंतप्रधान नरेंद्र मोदींचं नोटाबंदी संबंधित भाषण सर्वांना ऐकले. या दिवशी पंतप्रधानांनी देशाला उद्देशून 500 आणि 1000 रुपयांच्या नोटा बंद करण्याची घोषणा केली. नोटाबंदीला 4 वर्षांहून अधिक वर्षे झालीत. परंतु नोटाबंदीदरम्यान बाद झालेल्या नोटांची विल्हेवाट लावण्याचा प्रयत्न करणाऱ्या व्यावसायिकाला भारी पडले आहे. या प्रकरणात प्राप्तिकर विभागाने आता एका व्यावसायिकावर 42 कोटींचा कर लादला. (Income Tax Department Impose 42 Crore Tax On This Businessman)

वास्तविक, ही बाब उत्तर प्रदेशच्या मेरठ जिल्ह्यातील आहे. अमर उजालातील वृत्तानुसार, संजीव गुप्ता यांनी नोटाबंदीच्या वेळी नोटांचा गैरवापर करून 25 कोटींच्या जुन्या नोटा निकाली काढण्याचा प्रयत्न केला. प्राप्तिकर विभाग या प्रकरणाचा तपास करत होता. आता प्राप्तिकर विभागाने या व्यावसायिकावर 42 कोटींचा कर लादला.

असाच संपूर्ण झाला गेम

जुन्या नोटा बंद झाल्यावर मेरठ व्यावसायिक संजीव गुप्ता यांनी बर्‍याच लोकांकडून 500 आणि 1000 रुपयांच्या नोटा गोळा केल्या आणि संधी पाहून या नोटा नव्या नोटांमध्ये रुपांतर करण्यास सुरुवात झाली. पण ही बाब आयकर विभागाच्या रडारवर आली. या व्यावसायिकाने 25 कोटींच्या सर्व जुन्या नोटा गोळा केल्यात. परंतु या प्रकरणाचा तपास केला गेला आणि या सर्व नोटा अद्याप पोलिसांच्या ताब्यात आहेत. दुसरीकडे प्राप्तिकर विभागाची कारवाई सुरू झाली. आता प्राप्तिकर विभागाने या व्यावसायिकावर 42 कोटींचा कर लादला.

2018 मध्ये 25 कोटी चलन वसूल झाले

अमर उजालाच्या अहवालानुसार, वर्ष 2018 मध्ये पोलिसांनी या व्यावसायिकाच्या घरातून 25 कोटींचे संपूर्ण चलन जप्त केले होते. या प्रकरणाच्या चौकशीनंतर हे सर्व चलन जप्त करण्यात आले आणि ते पोलिसांच्या ताब्यात देण्यात आले. आजही या सर्व नोटा परतापूर पोलीस ठाण्यात ठेवल्यात. 25 कोटींच्या या जुन्या नोटांवर कारवाई करून आता प्राप्तिकर विभागाने या व्यावसायिकावर 42 कोटींचा कर लादला.

संबंधित बातम्या

रतन टाटांची कंपनी टीसीएस 40 हजार फ्रेशर्स घेणार

Corona Crisisमध्ये ही कंपनी आपल्या कर्मचार्‍यांना देणार 1-1 लाखांचा बंपर बोनस

income tax department impose 42 crore tax on this businessman