Share Market: कमाईचे तुफान, 34 व्या वेळा डिव्हिडंड, 14 फेब्रुवारीपूर्वीच गुंतवणूकदारांना व्हॅलेंटाईन गिफ्ट

Share Market Dividend: KPR Mill ही कंपनी पुन्हा एकदा लाभांश देण्याच्या तयारीत आहे. कंपनीने स्टॉक एक्सचेंजला याविषयीची माहिती दिली आहे. या डिव्हिडंडसाठी कंपनीने रेकॉर्ड डेटची घोषणा केली आहे. ही कंपनी आता 34 व्या वेळी लाभांश देण्याची घोषणा केली आहे. 14 फेब्रुवारी पूर्वी गुंतवणूकदारांना ही कंपनी व्हॅलेंटाईन गिफ्ट देणार आहे. यापूर्वी कंपनीने 33 वेळा लाभांश देण्याचा विक्रम केला आहे. काय आहे मोठी अपडेट?

गुंतवणूकदारांना किती लाभांश?

स्टॉक एक्सचेंजला कंपनीने माहिती दिली आहे. त्यानुसार केपीआर मिल लिमिटडेने एक रुपया फेसव्हॅल्यूच्या एका शेअरवर 2.50 रुपयांचा लाभांश दिला आहे. या डिव्हिडंडसाठी कंपनीने 13 फेब्रुवारी ही रेकॉर्ड डेट जाहीर करण्यात आले आहे. KPR Mill ने गुंतवणूकदारांनी पहिल्यांदा 2007 मध्ये लाभांश दिला होता. तेव्हा कंपनीने एका शेअरवर दोन रुपयांचा डिव्हिडंड दिला होता. यापूर्वी शेवटी कंपनीने 2025 मध्ये एक्स डिव्हिडंड ट्रेड केला होता. तेव्हा पात्र गुंतवणूकदारांना एका शेअरवर 2.50 रुपयांचा फायदा झाला होता.

कंपनीची आर्थिक परिस्थिती कशी?

केपीआर मिलने तिमाही निकालांची घोषणा केली आहे. कंपनीने माहिती दिल्यानुसार, चालू आर्थिक वर्षाच्या तिसऱ्या तिमाहीत एकूण निव्वळ नफा 208.60 कोटी रुपये होता. एका वर्षांपूर्वी याच तिमाहीत कंपनली नेट प्रॉफिट 202.25 कोटी रुपये राहिले. सप्टेंबर तिमाहीत कंपनीचा नेट प्रॉफिट 218.03 कोटी रुपये होता. तिमाही आधारावर कंपनीच्या निव्वळ नफ्यात मोठी घसरण झाली.

शेअर बाजारात सोमवारी केपीआर मिलचा शेअर 0.33 टक्क्यांच्या तेजीसह बीएसईमध्ये 980.25 रुपयांवर बंद झाला होता. गेल्या एका वर्षात कंपनीच्या शेअरच्या किंमतीत 10 टक्क्यांची तेजी दिसून आली. या दरम्यान सेन्सेक्स इंडेक्समध्ये 7.97 टक्क्यांची उसळी दिसून आली. गेल्या पाच वर्षात कंपनीच्या शेअरचा भाव 421 टक्क्यांनी वधारला आहे. आता 34 व्या वेळा कंपनी गुंतवणूकदारांना मोठा फायदा करून देण्याच्या तयारीत आहे. जुन्या गुंतवणूकदारांना मोठा फायदा दिसून येत आहे.

डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.