10 हजारांचे केले 3 कोटी; 53 पैशांचा शेअर आता 210 रुपयांवर, या कंपनीमुळे गुंतवणूकदारांना मिळाला रग्गड पैसा
Multibagger Stock : या शेअरमुळे गुंतवणूकदारांनी रग्गड पैसा कमावला. 53 पैशांचा हा शेअर आता 210 रुपयांवर पोहचला. या शेअरने 10 हजार रुपयांचे 3 कोटी रुपये केले आहे. या स्टॉकने जोरदार परतावा दिला. या कंपनीने गुंतवणूकदारांना 5 वेळा बोनस शेअरचे गिफ्ट दिले आहे.
मल्टिबॅगर स्टॉक संवर्धन मदरसन इंटरनॅशनलने कमाल केली. या कंपनीने गुंतवणूकदारांना छप्परफाड रिटर्न दिला. कंपनीच्या स्टॉकने शेअरधारकांना मालामाल केले. ज्यांनी दीर्घकाळ गुंतवणूक ठेवली ते तर आज कोट्याधीश झाले. संवर्धन मदरसनचा शेअर गेल्या 24 वर्षांत 53 पैशावरून 210 रुपयांवर पोहचला. कंपनीने या कालावधीत 10 हजारांच्या गुंतवणुकीवर आता 3 कोटी रुपयांहून अधिकचा परतावा दिला आहे. या कंपनीने कमाईसोबतच बोनस शेअर देण्यातही कसलीच कंजूषी केली नाही. या कंपनीने गुंतवणूकदारांना 5 वेळा बोनस शेअरचे गिफ्ट दिले आहे.
10 हजारांचे केले 3 कोटी रुपये
संवर्धन मदरसनचा शेअर 6 ऑक्टोबर 2000 रोजी 53 पैशांवर होता. त्यावेळी ज्यांनी या कंपनीत 10 हजार रुपयांची गुंतवणूक केली असती तर त्याला कंपनीकडून 18,866 शेअर मिळाले असते. कंपनीने वर्ष 2000 पासून शेअरधारकांना 5 वेळा बोनस शेअर दिला. त्याचा विचार करता एकूण शेअरची संख्या 1,43,253 इतकी झाली असती. संवर्धन मदरसन इंटरनॅशनलचा शेअर 2 ऑक्टोबर 2024 रोजी बाजार बंद होताना 210.51 रुपयांवर होता. या शेअरमध्ये 0.42 टक्क्यांची घसरण झाली. आताच्या बाजार मूल्यानुसार, 1,43,253 शेअरची किंमत 3.01 कोटी रुपये आहे. यामध्ये कंपनीने दिलेल्या लाभांशाचा समावेश नाही.
कंपनीने दिला 5 वेळा बोनस शेअर
संवर्धन मदरसन इंटरनॅशनलने वर्ष 2000 पासून ते आतापर्यंत 5 वेळा बोनस शेअर दिला. कंपनीने नोव्हेंबर 2000 मध्ये 1:2 प्रमाणात बोनस शेअर दिला. कंपनीने हर 2 शेअरवर 1 बोनस शेअर दिला. ऑक्टोबर 2012 मध्ये पुन्हा कंपनीने 1:2 प्रमाणात बोनस शेअर दिला. डिसेंबर 2013 मध्ये आणि जुलै 2017 मध्ये कंपनीने गुंतवणूकदारांना पु्न्हा 1:2 प्रमाणात बोनस शेअर केला. ऑक्टोबर 2022 मध्ये कंपनीने त्याच प्रमाणात बोनस शेअर दिला. संवर्धन मदरसन कंपनी ऑटो कंपोनंट अँड इक्विपमेंट इंडस्ट्रीत जोरदार काम करत आहे. या शेअरचा 52 आठवड्यातील उच्चांक 217 रुपये तर निच्चांक 86.80 रुपये आहे.
सूचना : हा शेअरचा केवळ लेखाजोखा आहे. या शेअरची कामगिरी आहे. गुंतवणूक करण्यापूर्वी तुम्ही प्रमाणित गुंतवणूक सल्लागाराकडून सल्ला आवश्य घ्या. तुमचा कोणत्या ही प्रकारचा फायदा अथवा नुकसानीला TV9 मराठी जबाबदार नसेल. पेनी शेअरमध्ये गुंतवणूक करताना जागरुक राहा. कंपनीचे फंडामेंटल तपासा. भूलथापांना अजिबात बळी पडू नका.
