ऑनलाईन फसवणुकीवर सरकारचा लवकरच उतारा; तुमचा चोरलेला पैसा परत मिळणार

नवी दिल्ली | 14 February 2024 : जगासह देशात पण सायबर फसवणुकीचे प्रकरणं वाढत आहे. प्रत्येक दिवशी देशात कोणाला ना कोणाला ऑनलाईन फसविण्यात येते. त्यामुळे त्याचा कष्टाचा पैसा चोरल्या जातो. अनेकांना मोठा आर्थिक फटका बसतो. सायबर भामटे ओटीपी मागून अथवा इतर मार्गाने फसवणूक करतात. याविरोधात अनेकदा तक्रार होतात. पण ऑनलाईन चोरलेला पैसा काही परत मिळत नाही. पण त्यावर केंद्र सरकार जालीम उपाय करण्याच्या तयारीत आहे. केंद्र सरकार सायबर भामट्यांना धडा शिकविण्यासाठी प्लॅन आखत आहे. सरकार बँकांच्या मदतीने नवीन मार्गदर्शक तत्वे आणण्याच्या तयारीत आहे.

काय SOP

बँका आणि आर्थिक संस्था लवकरच स्टँडर्ड ऑपरेटिंग प्रोसिजर (SOP) आणण्याच्या तयारीत आहे. त्यामुळे भारतीय तपास यंत्रणांना आर्थिक फसवणुकीची प्रकरणांचा उलगडा करणे आणि खात्यांचा मागे काढणे सोपे होणार आहे. या प्रणालीमुळे ज्यांचा पैसा ऑनलाईन चोरी करण्यात आला आहे. तो परत करता येईल.

अर्थमंत्रालयात झाली बैठक

• याप्रकरणात अर्थमंत्रालयात अधिकऱ्यांची बैठक झाली. या बैठकीत आर्थिक सेवा विभागाचे (DFS) सचिव आणि बँकांच्या प्रतिनिधींनी सहभाग घेतला. यावर्षात आर्थिक व्यवहाराची अनेक प्रकरणे समोर आली आहेत. त्यामुळे आर्थिक सेवा सुरक्षिततेसंबंधी चिंता व्यक्त करत उपाय योजना करण्यावर भर देण्यात आला आहे.
• सरकार आणि बँका आता SOP वर काम करणार आहे. SOP विकसीत करण्यावर भर देण्यात येत आहे. त्यामाध्यमातून फसवणूकदारांना त्यांचा पैसा परत करण्यात येणार आहे. त्यासाठी लवकरच प्रणाली विकसीत करण्यात येईल. त्यामुळे आर्थिक फसवणुकीच्या प्रकाराला आळा घालता येईल. ज्यांची फसवणूक झाली त्यांची रक्कम परत करता येईल.

UPI फसवणुकीची करा तक्रार

युपीआयच्या माध्यमातून चुकीच्या खात्यात रक्कम हस्तांतरीत झाली तर लागलीच यासंबंधीची तक्रार द्या. UPI प्लॅटफॉर्मवर (फोनपे, पेटीएम, गूगल पे ) त्याची माहिती द्या. अशा युपीआय व्यवहारावर तक्रार नोंदवा. तसेच ही रक्कम रिफंड करण्याची विनंती करा. याशिवाय ग्राहकांनी राष्ट्रीय देयके महामंडळाच्या (NPCI) वेबसाईटीवर पण तक्रार करावी.