10 लाखांच्या पर्सनल लोनला EMI किती येणार? जाणून घ्या

तुम्हाला तुमचा खर्च भागवण्यासाठी लगेच पैशांची गरज भासत असेल तर पर्सनल लोन हा एक चांगला पर्याय ठरू शकतो. ही कर्जे एनबीएफसी, बँका आणि ऑनलाईन सावकारांकडून दिली जातात. ही कर्जे असुरक्षित असतात, त्यामुळे तुमचा क्रेडिट स्कोअर आणि उत्पन्न हे कर्ज पात्रतेसाठी सर्वात महत्त्वाचे घटक असतात.

पर्सनल कर्जाचा EMI दोन मुख्य घटकांवर अवलंबून असतो: कर्जाचा कालावधी आणि व्याज दर. व्याजदर जितका जास्त, कर्जाचा हप्ता जितका मोठा आणि व्याजदर जितका कमी, तितका हप्ता लहान असतो. कर्जाचा कालावधी आणि कर्जाची रक्कम एकमेकांच्या विरुद्ध असते. कर्जाचा कालावधी जितका जास्त असेल तितका EMI कमी आणि कर्जाचा कालावधी जितका कमी असेल तितका EMI मोठा असतो.

आता समजा तुमच्या कर्जाची रक्कम 10 लाख रुपये आहे आणि व्याजदर वार्षिक 11 टक्के आहे आणि तुम्ही किती महिन्यांत त्याची परतफेड करू शकाल असा प्रश्न तुम्हाला पडला आहे. एका वर्षात कर्जाची परतफेड केल्यास EMI 88,381 रुपये आहे. जेव्हा मुदत 2 वर्षांची असते तेव्हा EMI 46,607 रुपयांपर्यंत खाली येतो. 5 वर्षात कर्जाची परतफेड केल्यास EMI 21,742 रुपये होईल.

पर्सनल लोन कॅल्क्युलेटरमध्ये तुम्हाला 3 व्हेरिएबल्स टाकावे लागतील: कर्जाची रक्कम (या प्रकरणात 10 लाख रुपये), कर्जाचा कालावधी आणि व्याज दर (या प्रकरणात 11 टक्के). हे 3 व्हेरिएबल्स टाकताच तुम्हाला EMI कळेल.

10 लाखांसाठी टर्म लोन EMI किती येतो?

1 वर्ष 88,381 रुपये

2 वर्ष 46,607 रुपये

3 वर्ष 32,738 रुपये

4 वर्ष 25,845 रुपये

5 वर्ष 21,742 रुपये

झटपट कर्ज

बाजारात आता पर्सनल लोन मिळणे फारशे अवघड राहिले नाही. युपीआय अ‍ॅपवर तर काही कागदपत्रे दिल्यानंतर लागलीच तुमच्या खात्यात रक्कम ही जमा होते. अथवा अनेक बँका, वित्तीय संस्था ऑनलाईन कर्ज पुरवठा करतात. यामध्येही इन्स्टंट लोन (Instant Loan) हा प्रकार असतो. तो तात्काळ तुम्हाला कर्ज पुरवठा उपलब्ध करुन देतो. तुमच्या मागणीनुसार, अटी शर्तीसह एक ठराविक पर्सनल लोन मंजूर करण्यात येते.

व्याजदर का जादा?

बँका अगदी जुजबी कागदपत्रांवर तुम्हाला कर्ज पुरवतात. म्हणजे केवायसीच्या फार बागुलबुवा न करता, कुठलीही हमी नसताना, हमीदार नसताना बँक कर्ज पुरवठा करते. म्हणजे बँक पर्सनल लोनमध्ये अधिक रिस्क घेत असते. हा बँकेसाठी एक जुगार असतो. कारण सर्वचजण वेळेवर कर्ज फेडत नाहीत. त्यामुळे बँका जादा व्याजदर आकारतात.

(डिस्क्लेमर: या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)