Petrol Diesel Prices : क्रूड ऑईल 2 डॉलर महाग, या शहरात पेट्रोल 113 रुपये लिटर, तुमच्या शहरातील भाव काय
Petrol Diesel Prices : आज तुमच्या शहरातील पेट्रोल-डिझेलचा भाव काय आहे, जाणून घ्या एसएमएसवर
नवी दिल्ली : आंतरराष्ट्रीय बाजारात कच्चा तेलाच्या किंमतीत (Crude Oil Price) पुन्हा वृद्धी दिसून आली. गेल्या 24 तासांत क्रूड ऑईलच्या किंमतीत जवळपास 2 डॉलर प्रति बॅरलची वाढ झाली. त्यामुळे ब्रेंट क्रूडचा भाव 86 डॉलरच्या पुढे गेला. दरम्यान बुधवारी, 18 जानेवारी 2023 रोजी तेल विपणन कंपन्यांनी पेट्रोल-डिझेलचे भाव (Petrol-Diesel Rate) जाहीर केले. यामध्ये देशातील काही शहरांमध्ये पेट्रोल 113.20 रुपये प्रति लिटर झाले तर काही भागात हा दर तुमच्या शहरापेक्षा 22 ते 28 रुपये प्रति लिटरने स्वस्त झाला. मुंबई, दिल्ली, कोलकत्ता आणि चेन्नई येथील भावात मात्र आज कुठलाही बदल झाला नाही. तुमच्या शहरातील पेट्रोल-डिझेलचे आजचे दर काय आहेत, जाणून घ्या..
सरकारी तेल विपणन कंपन्यानुसार, बिहारची राजधानी पटणामध्ये पेट्रोल 88 पैशांनी महागले. याठिकाणी पेट्रोलचा दर 108.12 रुपये प्रति लिटर पोहचला. डिझेल 82 पैशांनी वाढले. डिझेलचा भाव 94.86 रुपये लिटर झाला. इतर शहरातील भावातही किंचित वाढ झाली.
राजस्थानमधील गंगानगर जिल्ह्यात आज पेट्रोल 9 पैशांनी वाढून भाव 113.20 रुपये झाले. तर डिझेल दरात 8 पैशांनी महागले. डिझेल प्रति लिटर 97.98 रुपये आहे. दिल्लीत पेट्रोल 96.65 तर डिझेल 89.82 रुपये प्रति लिटर रुपये आहे. मुंबईत पेट्रोल 106.31 तर डिझेल 94.27 रुपये प्रति लिटर आहे.
कोलकत्तामध्ये पेट्रोल 106.03 रुपये आणि डिझेल 92.76 रुपये प्रति लिटर आहे. तर चेन्नईत पेट्रोल 102.63 रुपये आणि डिझेल 94.24 रुपये प्रति लिटर आहे. ब्रेंट क्रूडचा भाव जवळपास 2 डॉलरने वाढला. हा भाव 86.41 डॉलर प्रति बॅरलवर पोहचला. डब्लूटीआईचा भाव जवळपास 3 डॉलर वाढून 80.73 डॉलर प्रति बॅरलवर पोहचला.
इंधन दरावाढीविरोधात नागरिकांनी रोष व्यक्त केल्यानंतर केंद्रातील भाजपने आणि भाजप शासित राज्यांनी पेट्रोल-डिझेलवरील उत्पादन शुल्कात कपात केली होती. पण आंतरराष्ट्रीय बाजारात किंमती कमी असताना त्याचा भारतीय ग्राहकांना फायदा झालेला नाही.
तेल विपणन कंपन्या भारतात सकाळी 6 वाजता दर जाहीर करतात. त्याआधारे देशात विविध भागात राज्याचा कर, स्थानिक स्वराज्य संस्थांचा कर, पंपधारकांचे कमिशन यामुळे किंमतीत फरक दिसतो. त्याआधारे देशातील विविध शहरातील इंधनाच्या दरात तफावत दिसते.
पेट्रोल-डिझेलचे रोजचे दर तुम्ही एसएमएसद्वारे (How to check diesel petrol price daily through SMS) जाणून घेऊ शकता. इंडियन ऑईलच्या ग्राहकांनी RSP असे लिहून 9224992249 या क्रमांक पाठवल्यास त्याला आजचे नवीन दर कळतील. त्यासाठी पेट्रोल पंपावर जायची गरज नाही.
तर बीपीसीएलच्या ग्राहकांनाही घरबसल्या त्याच्या मोबाईलवर भाव कळू शकतात. त्याने मोबाईल मॅसेजमध्ये RSP लिहून हा मॅसेज 9223112222 या क्रमांकावर पाठवावा. त्यानंतर कंपनी त्याला एसएमएसद्वारे (SMS) आजचे अपडेट दर कळवेल. एचपीसीएल ग्राहकांना HPPrice असे लिहून 9222201122 या क्रमांकावर एसएमएस करावा लागेल.
