देशातील ‘या’ तीन बँकांमध्ये तुमचे पैसे आहेत? RBI चं मोठं वक्तव्य

D-SIB म्हणजे Domestic Systemically Important Banks.याचा अर्थ असा की या बँकांवर आपण विश्वास ठेऊ शकतो.

  • टीव्ही 9 मराठी डिजीटल टीम
  • Published On - 18:56 PM, 22 Jan 2021
देशातील 'या' तीन बँकांमध्ये तुमचे पैसे आहेत? RBI चं मोठं वक्तव्य

मुंबई : देशात गेल्या काही वर्षांमध्ये बॅंकिंग क्षेत्रात (Banking fraud) आर्थिक गैरव्यवहार झाले. बँकाना काही बड्या खातेधारकांनी गंडा घातला. पण त्याचा फटका हा सामन्य खातेधारकांना बसला. यामुळे बँकेतील व्यवहारांवर मर्यादा घालण्यात आली. यामुळे सर्व सामन्यांची गैरसोय झाली. तसेच दिवसेंदिवस होणाऱ्या बँकेतील गैरव्यवहारांमुळे आपला बॅंकेतील ठेव सुरक्षित आहे ना, असा प्रश्न असंख्य खातेधारकांसमोर निर्माण झाला. मात्र आता थेट आरबीआयने   (Reserve Bank of India) व्यवहारासाठी आणि भविष्यातील गुंतवणुकीसाठी कोणत्या बँका सुरक्षित आहे, याची माहिती दिली आहे. यामुळे खातेधारकांना काही प्रमाणात दिलासा मिळाला आहे. (rbi big statment about icici sbi and hdfc bank)

भारतीय स्टेट बॅंक (SBI), आयसीआयसीय बँक (ICICI) आणि एचडीएफसी बॅंक (HDFC) या 3 बँकेत तुमच्या ठेवी सुरक्षित आहेत, अशी माहिती आरबीआयने दिली आहे. आरबीआयने D-SIB यादी प्रसिद्ध करत याबाबतची माहिती दिली आहे.

D-SIB म्हणजे काय?

D-SIB म्हणजे Domestic Systemically Important Banks. डीएसआयबी यादीद्वारे जाहीर करण्यात आलेल्या बँका या विश्वासार्ह आहेत. म्हणजेच या वरील 3 बॅंकांमध्ये जर तुमचे खाते असेल तर तुम्हाला पैशांबाबत चिंता करण्याची गरज नाही. कोरोना काळात बॅंकिंग क्षेत्रात घसरण झाली होती. तसेच येस बॅंक प्रकरणानंतर बँकेत पैसे ठेवायचे की नाहीत, असा यक्ष प्रश्न सामन्यांसमोर उपस्थित झाला होता. मात्र आता आरबीआयने ही यादी प्रसिद्ध केल्याने 3 बँकामधील खातेधारकांना दिलासा मिळाला आहे.

आरबीआयने काय म्हटलं?

आरबीआयने D-SIB 2020 ही यादी प्रसिद्ध केली. याद्वारे सांगितलं की SBI,ICICI आणि HDFC या बँकांनी अनेकांना कर्ज दिलं आहे. यानंतरही कोरोनासारख्या प्रतिकूल परिस्थितीतही या बँकांवर कोणताही परिणाम झाला नाही.

संबंधित बातम्या :

Banking Alert | HDFC ग्राहकांनो लक्ष द्या! महत्त्वाचे व्यवहार लवकर उरका, काही तासांसाठी बंद राहणार ‘या’ सेवा…

Banking fraud | सावधान! आता गुगलवरुनही बँकिंग फ्रॉड

YES बँकेवर आरबीआयचे निर्बंध, ग्राहकांना 50 हजारच काढता येणार

संजय राऊतांच्या पत्नीला PMC बँक घोटाळ्या प्रकरणी ईडीचे समन्स का? नेमकं प्रकरण काय?

(rbi big statment about icici sbi and hdfc bank)