SBI ने सुरक्षित ऑनलाईन बँकिंगसाठी Yono Lite App वर जोडले नवे फीचर्स, फायदा काय?

वास्तविक एसबीआयने ऑनलाईन बँकिंग अधिक सुरक्षित करण्यासाठी योनो लाईट अॅपमध्ये एक नवीन सुरक्षा वैशिष्ट्य जोडले गेलेय.

SBI ने सुरक्षित ऑनलाईन बँकिंगसाठी Yono Lite App वर जोडले नवे फीचर्स, फायदा काय?
स्टेट बँक ऑफ इंडिया

मुंबई : स्टेट बँक ऑफ इंडियाने (SBI) सोशल मीडिया पोस्टमध्ये एक महत्त्वाची माहिती दिलीय. आता एसबीआयची ऑनलाईन बँकिंग सुविधा अधिक सुरक्षित होणार आहे. त्यासाठी आपल्याला योनो लाईट अॅपचे नवे व्हर्जन डाऊनलोड करावे लागणार आहे. वास्तविक एसबीआयने ऑनलाईन बँकिंग अधिक सुरक्षित करण्यासाठी योनो लाईट अॅपमध्ये एक नवीन सुरक्षा वैशिष्ट्य जोडले गेलेय.

ग्राहकांना वाचवण्यासाठी बँकेने त्यांचे अ‍ॅप केले अपग्रेड

ऑनलाईन फसवणुकीपासून ग्राहकांना वाचवण्यासाठी बँकेने त्यांचे अ‍ॅप अपग्रेड केलेय. या नवीन सुरक्षा वैशिष्ट्याद्वारे इतर कोणीही आपल्या एसबीआय योनो खात्यावर अन्य कोणत्याही फोनवर प्रवेश करू शकणार नाही.

एसबीआय योनो केवळ नोंदणीकृत क्रमांकासह वापरण्यास सक्षम

या नवीन सुरक्षा वैशिष्ट्यांमध्ये आपण एसबीआयच्या ऑनलाईन बँकिंगसाठी योनो अॅपचा वापरल्यास नोंदणीकृत मोबाईल नंबरवरून योनो अॅप खात्यात प्रवेश करू शकाल. अन्य कोणत्याही मोबाईल नंबरवरून एसबीआय योनो वापरून आपण खात्यातून कोणताही व्यवहार करू शकणार नाही. यासाठी एसबीआयने ग्राहकांना एसबीआय योनो वापरताना त्यांच्या मोबाईल खात्यात नोंदणीकृत तोच मोबाईल नंबर वापरण्याचा सल्ला दिलाय.

ऑनलाईन फसवणुकीला आळा बसणार

या सुरक्षा वैशिष्ट्यामुळे नेट बँकिंग वापरकर्त्यांना बराच फायदा होईल. ऑनलाईन फसवणूक करणारे आपल्या खात्यातील इतर कोणत्याही डिव्हाइसवरून पैसे काढण्यासाठी आपल्या खात्याची माहिती जसे की खाते क्रमांक, वापरकर्ता नाव, पासवर्ड इत्यादी सहसा घेतात. या सुरक्षा वैशिष्ट्यानंतर या प्रकारच्या फसवणुकीस आळा बसणार आहे.

अॅप अपडेट करणे आवश्यक

या सुविधेचा लाभ घेण्यासाठी एसबीआय ग्राहकांना योनो अॅप अपडेट करावे लागेल. ग्राहक हे Google च्या प्ले स्टोअरवरून अपडेट करू शकतात. अ‍ॅप अपडेट केल्यानंतर ग्राहकांना ओटीपीद्वारे पडताळणी देखील करावी लागेल. यानंतरच आपण अ‍ॅपद्वारे इतर व्यवहार करण्यास सक्षम असाल. कोरोना कालावधीत फसवणुकीच्या घटनांमध्ये मोठ्या प्रमाणात वाढ झाली. या कारणास्तव एसबीआयने ग्राहकांची बँक खाती सुरक्षित करण्यासाठी आपल्या योनो अॅपमध्ये एक नवीन वैशिष्ट्य जोडले. फिन्टेक कंपनी एफआयएसने केलेल्या सर्वेक्षणानुसार, जून 2020 ते एप्रिल 2021 या कालावधीत बँक ग्राहकांपैकी एक तृतीयांश सायबर फसवणुकीचे बळी ठरलेत. सर्वेक्षण केलेल्या 34 टक्के ग्राहकांनी म्हटले आहे की, मागील 12 महिन्यांत ते आर्थिक फसवणुकीचे बळी ठरलेत. 25 ते 29 वयोगटातील आर्थिक फसवणुकीचे प्रमाण 41 टक्के आहे.

संबंधित बातम्या

RBI ने अनेक बँकांनंतर आता ‘या’ बँकेवर ठोठावला दंड, जाणून घ्या कारण काय?

LIC चे 3 सर्वोत्कृष्ट बेस्ट चाइल्ड प्लान, योजनांबद्दल जाणून घ्या सर्व काही

SBI adds new features to Yono Lite App for secure online banking, what’s the benefit?

Click on your DTH Provider to Add TV9 MARATHI