SBI ग्राहकांसाठी बँकेचा अलर्ट! KYC पडताळणीसाठी फोन किंवा मेसेज आला तर सावधान

नवी दिल्ली : देशातील सर्वात मोठी सरकारी बँक एसबीआयमध्ये जर तुमचं खातं (Account) असेल तर ही बातमी तुमच्यासाठी महत्त्वाची आहे. कारण स्टेट बँक ऑफ इंडियाने (SBI) त्यांच्या 42 कोटी ग्राहकांना महत्वाची माहिती दिली आहे. एसबीआयने केवायसी पडताळणीसाठी (KYC Verification) येणाऱ्या बनावट कॉल किंवा मेसेजेसंबंधी ग्राहकांना अलर्ट केलं आहे. एसबीआयने ट्विटरवरुन ही माहिती दिली आहे. केवायसी पडताळणीतील येणारे कॉल्स किंवा मेसेजपासून सावध रहा असं एसबीआयने ट्विटमध्ये म्हटले आहे. (sbi alert customers on fraudulent calls or messages requesting kyc verification tips)

फसवणूकी झाल्यास बँकेला कळवा अहवाल द्या

एसबीआयने ट्विटमध्ये दिलेल्या माहितीनुसार, “केवायसी पडताळणीसाठी खोटे कॉल किंवा मेसेज येत आहेत. त्यापासून तुम्ही सावधान राहा. तर एसबीआयने सुरक्षा सूचनांसाठी एक व्हिडिओ सामायिक केला आहे आणि अशा घटनांचा अहवाल https://cybercrime.gov.in वर पावण्यास सांगितले आहे.

फसवणूक टाळण्यासाठी महत्त्वाच्या सूचना

– कोणाबरोबरही ओटीपी (OTP) शेअर करू नका.

– रिमोट एक्सेस एप्लिकेशन (Remote Access Application) कोणालाही देऊ नका.

– आधारची (Aadhaar) प्रत अज्ञात व्यक्तीला शेअर करू नका.

– नवीन नंबरविषयी बँकेला माहिती द्या.

– वेळोवेळी तुमचा पासवर्ड बदला.

– तुमच्या मोबाइल आणि गोपनीय डेटा कोणाबरोबरही शेअर करू नका.

– कोणत्याही लिंकवर क्लिक करण्यापूर्वी विचार करा.

फसवणूक झाल्यास इथे करा संपर्क

फसवणूक झाल्यास ग्राहकांनी काय करावं याचीही माहिती एसबीआयकडून देण्यात आली आहे. तुमच्या बँक खात्यात एखादा अनधिकृत व्यवहार झाल्यास ताबडतोब टोल फ्री ग्राहक सेवा क्रमांक – 18004253800 आणि 1800112211 वर नोंदवा. तसेच, https://cybercrime.gov.in वर सायबर क्राइम नोंदवा. (sbi alert customers on fraudulent calls or messages requesting kyc verification tips)

इतर बातम्या –

जर 31 डिसेंबरला नाही भरला ITR तर काय होईल? काय आहे शेवटची तारीख?

Gold Silver Rate | सोने 50 हजारांच्या पार, चांदीचीही लखलख, जाणून घ्या दर

(sbi alert customers on fraudulent calls or messages requesting kyc verification tips)