घर खरेदी करताय, स्टेट बँकेचा मोठा निर्णय, गृह कर्जावरील व्याज दरात कपातीचा निर्णय
स्टेट बँक ऑफ इंडियानं गृह कर्जावरील व्याज दरात कपात केली आहे. SBI reduced home loan interest rate
मुंबई: भारतातील सार्वजनिक क्षेत्रातील आघाडीची बँक म्हणजे स्टेट बँक ऑफ इंडियानं गृह कर्जावरील व्याज दरात कपात केली आहे.अवघ्या एक महिन्याच्या कालावधीत होम लोन म्हणजेच गृहकर्जाचं व्याज कमी करण्याचा निर्णय स्टेट बँकेने घेतलाय. 1 एप्रिलला स्टेट बँकेने गृह कर्जावरील व्याजदर 6.70 टक्के वरुन 6.95 टक्के इतका केला होता. मात्र, आता एसबीआयनं व्याज दर घटवला आहे. (SBI reduced home loan interest rate by 25 bps to 6.70 percent)
30 लाखापर्यंतच्या गृहकर्जासाठी 6.70 टक्के व्याज
एसबीआयनं त्यांच्या ग्राहकांसाठी 30 लाखापर्यंतच्या गृह कर्जासाठी 6.70 टक्के व्याजदर निश्चित केला आहे. 30 लाख ते 75 लाखापर्यंतच्या कर्जासाठी 6.95 टक्के व्याजदर आकारण्यात येईल. तर, त्यापुढील रकमेसाठी 7.05 टक्के व्याज दर असेल.
व्याज दरात सूट कशी मिळवाल?
एखाद्या महिलेनं तिच्या नावावर गृहकर्जासाठी अर्ज केल्यास तिला 5 बेसिस पॉईंटची सूट मिळेल. एखाद्या ग्राहकानं एसबीआयच्या योनो अॅपमद्वारे अर्ज केल्यास त्याला आणखी 5 बेसिस पॉईंटची सूट मिळणार आहे.
गृहकर्जावरील सर्वात कमी व्याजदर
सध्याच्या काळात घर खरेदी करण्याचा विचार करणाऱ्या ग्राहकांसाठी चांगली संधी आहे.कारण देशातील प्रमुख बँकांचे गृह कर्जाचे व्याजदर गेल्या दहा वर्षातील सर्वात कमी पातळीवर आहेत. स्टेट बँक ऑफ इंडिया,एचडीएफसी, आयसीआयसीआय बँक, कोटक महिंद्रा बँक या बँका कमी व्याजदरानं गृह कर्ज देत आहेत.
आरबीआयकडून रेपो रेटमध्ये कपात
रिझर्व्ह बँक ऑफ इंडियानं आर्थिक धोरण जाहीर करताना मार्च 2020 पासून बँकांच्या रेपो रेटमध्ये कपात केली आहे. 6 टक्केमधून रेपो रेट कमी करुन 4 टक्के करण्यात आला आहे.
आजपासून ‘या’ 5 गोष्टी बदलणार, बँक खात्यापासून स्वयपांकघरापर्यंत परिणाम होणारhttps://t.co/Fz5PsRHV14#FreeVaccinationForIndia | #Axisbank | #IRDA | #Corona
— TV9 Marathi (@TV9Marathi) May 1, 2021
संबंधित बातम्या:
Gold Rate : 8 महिन्यात सगळ्यात स्वस्त झालं सोनं, यावर्षी 4000 ने घसरण; गुंतवणूकदारांसाठी सुवर्णसंधी
(SBI reduced home loan interest rate by 25 bps to 6.70 percent)