शेअरबाजारात भूंकप! सेन्सेक्स 1420 अंकांनी कोसळला, गुंतवणुकदाराना कोट्यावधीचा फटका

मुंबई : शेअर बाजारातील पडझड कायम असून, आज बाजार सुरू होताच सेन्सेक्स तब्बल 720 अंकांनी कोसळला . त्यानंतर सेन्सेक्समधील घसरण सुरूच आहे, सध्या सेन्सेक्स 1420 अंकांनी कमी झाला असून 58 हजार अंकांपेक्षाही कमी पातळीवर व्यवहार सुरू आहेत. गुरुवारचा अपवाद सोडता या आठवड्यात प्रत्येक दिवशी सेन्सेक्समध्ये घसरण झाल्याचे पहायला मिळाले. गुरुवारी शेअर बाजार बंद होताना सेन्सेक्समध्ये काही प्रमाणात वाढ झाली होती. गुरुवारी बाजार बंद होताना सेन्सेक्स 58795 च्या पातळीवर पोहोचला होता. मात्र शुक्रवारी पुन्हा एकदा सेन्सेक्स तब्बल 1420 अंकानी घसरला आहे. याचा मोठा फटका गुंतवणुकदारांना बसत आहे.

डॉक्टर रेड्डीजच्या शेअरमध्ये तेजी

आज शेअरबाजार सुरू झाला तेव्हा बीएसई लिस्टेड 30 कंपन्याच्या यादीतील डॉक्टर रेड्डीज या कंपनीच्या शेअरमध्ये तेजी दिसून आली, तर दुसरीकडे मारूती सुझुकी सारख्या कंपन्यांचे शेअर रेड झोनमध्ये होते. त्यानंतर सातत्याने सेन्सेक्समध्ये घसरण सुरूच असून, अद्यापही घसरण थांबलेली नाही. त्यामुळे गुंतवणुकदार संकटात सापडले आहेत.

निफ्टीत घसरण

दुसरीकडे निफ्टीत देखील मोठी घसरण झाली आहे. आज शेअर बाजार सुरू होताचा निफ्टी तब्बल 250 अंकांनी घसरली. सध्या निफ्टी 17338.5 अंकावर पोहोचली आहे. गुरुवारी सेन्सेक्स काही अंकांनी वाढल्यामुळे निफ्टीमध्ये देखील वाढ पहायला मिळाली होती. गुरुवारचा अपवाद वगळता हा आठवडा शेअरबाजारासाठी फारसा सकारात्मक राहिला नसल्याचे दिसून येत आहे.

संब्ंधित बातम्या

महाराष्ट्रातल्या मराठी उद्योगपतीच्या घरातला वाद कसा मिटणार? किर्लोस्करांना सुप्रीम कोर्टानं मार्ग दाखवला

देशी की विदेशी? परदेशी ब्रँडच्या दारूच्या किंमतीत थेट 36 टक्क्यांनी घट, सरकारची कृपा

आधारच्या मदतीने रोखता येणार कर चोरी; ‘एनपीसीआय’चा दावा