Air India : एअर इंडिया टेकओव्हरनंतर टाटा ग्रुपचे पहिले ट्विट, वाचा सविस्तर

ऑक्टोबर 2021 मध्ये टाटा समूहाने एअर इंडियातील 100 टक्के हिस्सा 18 हजार कोटी रुपयांना खरेदी केला होता. टाटा सन्सची उपकंपनी असलेल्या टैलेस प्रायव्हेट लिमिटेडच्या वतीने ही बोली लावण्यात आली होती. एअर इंडियाने पहिल्या टेकऑफसाठी उत्सुक असल्याचे ट्विट केले आहे.

Air India : एअर इंडिया टेकओव्हरनंतर टाटा ग्रुपचे पहिले ट्विट, वाचा सविस्तर
air india
Follow us
| Updated on: Jan 28, 2022 | 9:36 AM

मुंबई : महाराजा पुन्हा एकदा उड्डाणासाठी सज्ज झाला आहे. गुरुवारी एअर इंडियाची मालकी टाटा समुहाला देण्यात आली. मालकी हक्काची प्रक्रिया पूर्ण झाल्यानंतर एअर इंडियाने (Air India) टाटा समूहाला(Tata Group) पहिला संदेश ट्विटर हँडलवरुन पाठविला. नव्या मालकासोबत नवीन विमान उड्डाण करण्याची तयारी आहे. एअरलाइन्सने आपल्या अधिकृत हँडलवरून ट्विट केले. टाटा समुहाचा भाग होताना एअर इंडियासाठी नवीन अध्याय सुरु होत असल्याचे ट्विट कंपनीने केले. हे दोन मोठे ब्रँड एकत्र आले आहेत आणि विशेष प्रवासाला त्यांनी सुरुात केली आहे. एअर इंडियाने म्हटले आहे की, दोन्ही ब्रँडचा वारसा समृद्ध आहे आणि देशाची सेवा करणे हे आमचे समान ध्येय आहे. ‘टाटा कंपनीचे (Tata Company) स्वागत ‘ असे ट्विट एअरइंडियाने केले आहे. त्याचवेळी टाटा समूहाने एअर इंडियाचे ट्विट रिट्विट करत ‘एअर इंडियासोबत उड्डाण करण्यासाठी उत्सुक असल्याचे म्हटले आहे!’ #airindiaonboard

लेटलतिफांना पहिल्याच दिवशी डोस एएनआय या वृत्तसंस्थेने दिलेल्या वृत्तानुसार, महाराजांची कमान हाती घेताच टाटा समुहाने आपली व्यावसायिक धोरणे स्पष्ट केली आणि लेटलतिफ कर्मचा-यांना दणका दिला. एअर इंडियाची उड्डाणे वेळेत चालावीत, यासाठी टाटा समूहाचा पहिला प्रयत्न असेल, असे त्यांनी स्पष्ट केले. पीटीआयच्या वृत्तानुसार, एअर इंडियाची प्रतिमा, दृष्टिकोन आणि समज बदलण्याचा प्रयत्न केला जाईल, असा थेट संदेश कर्मचा-यांना देण्यात आला आहे. त्यामुळे लेटलतिफ कर्मचा-यांना सुधारण्याची एक संधी कंपनीने दिली आहे.

सुरुवातीच्या काळात भोजानासह काही निवडक उड्डाणे होतील. त्यानंतर टप्प्याटप्प्याने या सेवेचा विस्तार करण्यात येणार आहे. शुक्रवारी मुंबई-नेवार्क विमान आणि मुंबई-दिल्ली या विमानांमध्ये विशेष जेवण देण्यात येणार आहे. मीडिया रिपोर्ट्सनुसार, केबिन क्रू मेंबर्सना प्रवाशांना पाहुणे म्हणून संबोधित करण्याच्या सूचना देण्यात आल्या आहेत.क्रू मेंबर्सना चांगली तयारी करण्यास सांगितले गेले आहे आणि तपास अधिकारी विमानतळावरही याची तपासणी करतील. शुक्रवारी सर्व उड्डाणांवर वैमानिकांकडून विशेष स्वागतपर भाषण होणार असून, त्यात एअर इंडिया अधिकृतरीत्या टाटा समूहाचा भाग झाल्याची घोषणा करण्यात येणार आहे.

रतन टाटांचा व्हॉईस रेकॉर्ड सर्व उड्डाणांमध्ये घुमणार

एअर इंडियाच्या एका अधिकाऱ्याने दिलेल्या माहितीनुसार, एअर इंडियाच्या सर्व विमानांमध्ये आता रतन टाटा यांचा व्हॉइस रेकॉर्ड वाजविला जाणार आहे. वक्तशीरपणा हे नवीन व्यवस्थापनाचे सर्वोच्च प्राधान्य आहे आणि म्हणूनच प्रस्थानाच्या 10 मिनिटे आधी विमानाची दरवाजे बंद केले जातील. ऑक्टोबर 2021 मध्ये टाटा समूहाने एअर इंडियातील 100 टक्के हिस्सा 18 हजार कोटी रुपयांना खरेदी केला होता. टाटा सन्सची उपकंपनी असलेल्या टैलेस प्रायव्हेट लिमिटेडच्या वतीने ही बोली लावण्यात आली होती.

संबंधीत बातम्या : 

Budget 2022 : यंदाच्या अर्थसंकल्पात स्टार्टअप्संना सरकारकडून विशेष पॅकेजची प्रतीक्षा, काय होणार घोषणा?

LIC IPO: एलआयसीचं नियोजन अंतिम टप्प्यात, आयपीओची तारीख ठरली?

शेअर्स बाजारात घसरणीचे सत्र; सेन्सेंक्स 581, निफ्टी 167 अंकांनी गडगडला

Non Stop LIVE Update
राणेंचं एक ट्विट अन् कोकणातील राजकारणात नवा ट्विस्ट,नेमकं काय म्हणाले?
राणेंचं एक ट्विट अन् कोकणातील राजकारणात नवा ट्विस्ट,नेमकं काय म्हणाले?.
मुंबईतील लोकसभेच्या जागांचा मविआचा फॉर्म्युला ठरला, कुठे कोण लढणार?
मुंबईतील लोकसभेच्या जागांचा मविआचा फॉर्म्युला ठरला, कुठे कोण लढणार?.
'मविआ'चा जागावाटपाचा फॉर्म्युला ठरला, कोणता पक्ष लढणार सर्वाधिक जागा
'मविआ'चा जागावाटपाचा फॉर्म्युला ठरला, कोणता पक्ष लढणार सर्वाधिक जागा.
भाजपकडून कुणाला तिकीट? या 6 जणांची समिती ठरवणार, कोणाचा समितीत सहभाग?
भाजपकडून कुणाला तिकीट? या 6 जणांची समिती ठरवणार, कोणाचा समितीत सहभाग?.
'नमो महारोजगार मेळावा' कार्यक्रम पत्रिकेतून शरद पवार यांचं नावच गायब
'नमो महारोजगार मेळावा' कार्यक्रम पत्रिकेतून शरद पवार यांचं नावच गायब.
सदावर्तेंना दिलासा,सनद निलंबित करण्यासंदर्भात बार काऊंसिलचा निर्णय काय
सदावर्तेंना दिलासा,सनद निलंबित करण्यासंदर्भात बार काऊंसिलचा निर्णय काय.
लोकसभा लढणार की नाही? पंकजा मुंडे यांची पहिली प्रतिक्रिया, म्हणाल्या..
लोकसभा लढणार की नाही? पंकजा मुंडे यांची पहिली प्रतिक्रिया, म्हणाल्या...
भल्या मोठ्या अस्वलांची मंदिरात एन्ट्री, गेट उघडत प्रसादावर मारला ताव
भल्या मोठ्या अस्वलांची मंदिरात एन्ट्री, गेट उघडत प्रसादावर मारला ताव.
भाजपच्या प्रविण दरेकर यांना कुणाची शिवीगाळ? ऑडिओ होतोय व्हायरल
भाजपच्या प्रविण दरेकर यांना कुणाची शिवीगाळ? ऑडिओ होतोय व्हायरल.
अमित शाहांच्या 'त्या' वक्तव्यानंतर भाजप नेत्यानं सांगितलं सत्य?
अमित शाहांच्या 'त्या' वक्तव्यानंतर भाजप नेत्यानं सांगितलं सत्य?.