टाटा पॉवर आणि आयआयटी दिल्ली करणार स्वच्छ ऊर्जेसाठी काम, दोन्ही संस्थांमध्ये मोठा करार
आयआयटी-दिल्ली आणि टाटा पॉवर येथे त्यांच्या विविध क्षेत्रातील उत्कृष्टतेसह मोठ्या संख्येने उपस्थित असलेल्या तज्ज्ञांचा विचार करता उच्च परिवर्तनात्मक प्रभावासह शैक्षणिक, संशोधन आणि व्यवसाय क्षेत्रातील तज्ज्ञांमध्ये सहकार्याची अपार क्षमता आहे. दोन्ही संस्थांनी संशोधन आणि विकास टप्प्यातून प्रायोगिक प्रकल्पांमध्ये रूपांतरित होऊ शकणारे प्रकल्प ओळखण्यासाठी एकत्र काम करण्याचे मान्य केले.
नवी दिल्लीः टाटा पॉवरने स्वच्छ ऊर्जा आणि इतर प्रकल्पांवर एकत्र काम करण्यासाठी इंडियन इन्स्टिट्यूट ऑफ टेक्नॉलॉजी दिल्ली (IIT-Delhi) सोबत करार केलाय. हे प्रकल्प आर अँड डी टप्प्यातून प्रायोगिक टप्प्यात रूपांतरित केले जाऊ शकतात. टाटा पॉवर ही भारतातील सर्वात मोठ्या खासगी क्षेत्रातील एकात्मिक कंपन्यांपैकी एक आणि IIT दिल्ली यांनी स्मार्ट ग्रीड तंत्रज्ञान, स्वच्छ ऊर्जा उपाय यांसारख्या क्षेत्रात सहकार्य करण्यासाठी सामंजस्य करारावर स्वाक्षरी केलीय, असंही कंपनीच्या निवेदनात म्हटलेय.
आयआयटी-दिल्ली आणि टाटा पॉवरकडे तज्ज्ञांची कमतरता नाही
आयआयटी-दिल्ली आणि टाटा पॉवर येथे त्यांच्या विविध क्षेत्रातील उत्कृष्टतेसह मोठ्या संख्येने उपस्थित असलेल्या तज्ज्ञांचा विचार करता उच्च परिवर्तनात्मक प्रभावासह शैक्षणिक, संशोधन आणि व्यवसाय क्षेत्रातील तज्ज्ञांमध्ये सहकार्याची अपार क्षमता आहे. दोन्ही संस्थांनी संशोधन आणि विकास टप्प्यातून प्रायोगिक प्रकल्पांमध्ये रूपांतरित होऊ शकणारे प्रकल्प ओळखण्यासाठी एकत्र काम करण्याचे मान्य केले.
वीजनिर्मिती आणि वितरणासाठी करार उपयुक्त ठरणार
आयआयटी-दिल्लीचे संचालक व्ही. रामगोपाल राव यांनी एका निवेदनात म्हटले आहे की, “आयआयटी दिल्ली या देशातील प्रमुख संशोधन संस्थेला टाटा पॉवरसोबत या सामंजस्य करारावर स्वाक्षरी करताना आनंद होत आहे. मला आशा आहे की, या सहकार्यामुळे ऊर्जा क्षेत्रासाठी नवीन तंत्रज्ञान विकसित होईल, जे वीज निर्मिती आणि वितरण क्षेत्रात उपयुक्त ठरेल.
टाटा पॉवरही आयआयटीसोबतच्या करारावर खूश
टाटा पॉवरचे मुख्य कार्यकारी अधिकारी (CEO) आणि व्यवस्थापकीय संचालक प्रवीर सिन्हा म्हणाले, “टाटा पॉवरमध्ये, आमचे लक्ष नेहमी ऊर्जा क्षेत्रात अभूतपूर्व आणि टिकाऊ तंत्रज्ञान आणण्यावर असते. आयआयटी-दिल्ली या नामांकित संस्थेसोबत भागीदारी करताना आम्हाला आनंद होत आहे. आम्हाला विश्वास आहे की, हे सहकार्य देशातील स्वच्छ ऊर्जा परिसंस्थेला बळकट करण्यासाठी ऊर्जा क्षेत्रातील नवीन युगाच्या योग्य तंत्रज्ञानासाठी एक चाचणी मंच तयार करेल.”
संबंधित बातम्या
ही विदेशी बँक खरेदी करण्याच्या शर्यतीत HDFC, Axis, Kotak महिंद्रा; ‘या’ बँकांमध्ये जोरदार स्पर्धा
नियमित गुंतवणूक अन् बचतीमध्ये 1 टक्के नियमाचे काय फायदे? जमा भांडवलामध्ये 5 वर्षांत दुप्पट वाढ
Tata Power and IIT Delhi will work for clean energy, a big deal between the two organizations
