Gold Silver Rate Today : मोक्यावर मारा चौका! इतके कमी झाले सोने-चांदीचे भाव

नवी दिल्ली : सोने-चांदीत खरेदीसाठी सध्या चांगली संधी असल्याचे मत, तज्ज्ञांनी व्यक्त केले आहे. सोन्याचे भाव घसरले आहेत. सोने स्वस्त होऊन 60000 प्रति 10 ग्रॅमवर पोहचले आहे. 3 जून रोजी तर 770 रुपये प्रति 10 ग्रॅमची घसरण होऊन सोने 60,480 रुपयांवर येऊन ठेपले होते. 22 कॅरेट सोने तर 55,450 रुपयांवर आले. चांदी 71,462 रुपये किलोवर आली आहे. डॉलरच्या जबरदस्त खेळीमुळे भावावर परिणाम दिसून येत आहे. 2 जून रोजी सोन्याच्या किंमतीत प्रति 10 ग्रॅम 300 रुपयांची वाढ नोंदविण्यात आली. तर चांदीने पण दरवाढीचे खाते उघडले. किलोमागे चांदी 600 रुपयांनी वधारली. 31 मे रोजी आणि 1 जून रोजी सकाळच्या सत्रात सोने-चांदीने भाव (Gold Silver Price) वाढ नोंदवली होती. आज 6 जून रोजी सकाळच्या सत्रात भाव जाणून घेऊयात..

सराफा बाजाराची खबरबात सराफा बाजारात आठवड्याच्या सुरुवातीला सोने 707 रुपये प्रति 10 ग्रॅम दराने स्वस्त होऊन 59601 रुपये प्रति दहा ग्रॅमवर पोहचले होते. गेल्या आठवड्याच्या शेवटच्या दिवशी शुक्रवारी सोने 151 रुपये प्रति 10 ग्रॅमने वाढून 60308 रुपये प्रति 10 ग्रॅम झाले होते. सोमवारी सोने स्वस्त झाले. तर चांदीच्या किंमतीत वाढ झाली. चांदीत 90 रुपयांची वाढ होऊन भाव 71462 रुपये प्रति किलो वर बंद झाले.

भावात अशी वाढ goodreturns च्या आकडेवारीनुसार, 31 मे आणि 1 जून रोजी सकाळच्या सत्रात सोने-चांदी वधारली होती. तर 1 जून रोजी संध्याकाळच्या सत्रात चांदीत 150 रुपयांची घसरण झाली होती. 2 जून रोजी सोन्याच्या किंमतीत प्रति 10 ग्रॅम 300 रुपयांची वाढ झाली. आज 3 जून रोजी सकाळच्या सत्रात भावात 10 रुपयांची वाढ झाली. आता संध्याकाळपर्यंत दोन्ही धातूत काय बदल होतो, हे स्पष्ट होईल. 10 ग्रॅम 22 कॅरेट सोने 56,160 रुपये तर 24 कॅरेट सोने प्रति 10 ग्रॅम 61,260 रुपये झाले. 5 जून रोजी 22 कॅरेटचा भाव 55,450 रुपयांवर तर 24 कॅरेटचा भाव 60,480 रुपयांवर आला. 6 जूनचा सकाळच्या सत्रातील भाव अपडेट झाला नाही.

24, 23, 22 कॅरेटचा भाव ibjarates.com नुसार, 24 कॅरेट सोन्याचा भाव 59,601 रुपये प्रति 10 ग्रॅम होता. 23 कॅरेटचा भाव 59,362 रुपये तर 22 कॅरेटचा भाव 54,595 रुपये प्रति 10 ग्रॅम होता. 18 कॅरेट सोन्याचा भाव 44,701 रुपये होता. हे भाव काल संध्याकाळचे आहेत.

भाव एका मिस्ड कॉलवर 22 कॅरेट आणि 18 कॅरेट सोने खरेदीपूर्वी तुम्हाला त्याची किंमत एका मिस कॉलवर कळू शकते. त्यासाठी 8955664433 या क्रमांकावर मिस्ड कॉल देऊ शकता. त्यानंतर थोड्याचवेळात एसएमएस (SMS) येईल. त्याआधारे तुम्हाला किंमती कळतील. तसेच भाव जाणून घेण्यासाठी तुम्ही www.ibja.co वा ibjarates.com या ठिकाणी माहिती घेऊ शकता.

BIS Care APP सोनार तुम्हाला गंडवत असल्याची शंका असल्यास, अथवा तुम्हाला सोन्याची शुद्धता तपासायची असल्यास तुमच्या मोबाईलमध्ये BIS Care APP डाऊनलोड करा. प्ले स्टोअरमध्ये जाऊन तुम्ही हे बीआयएस ॲप घेऊ शकता. तुम्ही खरेदी केलेल्या सोन्यावर त्याचा हॉलमार्क क्रमांक (HUID) अंकित असतो. हा क्रमांक टाकल्यास हॉलमार्किंगची संपूर्ण माहिती समोर येईल आणि सर्वात शेवटी हे सोने किती कॅरेटचे आहे ते दिसेल.