मुंबई उच्च न्यायालयाकडून मेगा भरती, 4 हजारहून अधिक पदांसाठी भरती प्रक्रिया सुरू, लगेचच करा अर्ज

मुंबई : नोकरीच्या शोधात असलेल्यांसाठी ही मोठी बातमी आहे. थेट न्यायालयात नोकरी करण्याची तुमच्याकडे मोठी संधी आहे. विशेष म्हणजे ही भरती प्रक्रिया विविध पदांसाठी होत आहे. भरती प्रक्रियाला सुरूवात झाली असून इच्छुकांनी अजिबातच वेळ वाया न घालता लगेचच या भरती प्रक्रियेसाठी अर्ज करावेत. सरकारी नोकरीच्या शोधात असलेल्यांसाठी ही मोठी संधीच म्हणावी लागेल. या भरती प्रक्रियेबद्दल नुकताच अधिसूचना ही जाहीर करण्यात आलीये. स्टेनोग्राफर ग्रेड 3, कनिष्ठ लिपिक आणि शिपाई यापदांसाठी ही भरती प्रक्रिया सुरू आहे. आता अर्ज करण्यासाठी अवघे काही दिवसच शिल्लक राहिले आहेत.

मुंबई उच्च न्यायालयाने महाराष्ट्रातील अनेक जिल्हा न्यायालयांमध्ये स्टेनोग्राफर ग्रेड 3, कनिष्ठ लिपिक आणि शिपाई या पदांसाठीच्या भरती प्रक्रियेबद्दलची अधिसूचना ही जाहीर केलीये. या भरती प्रक्रियेसाठी अर्ज करण्याची शेवटची तारीख ही 18 डिसेंबर 2023 आहे. त्यापूर्वीच उमेदवारांना अर्ज हे दाखल करावे लागतील. त्यानंतर आलेले अर्ज हे ग्राह्य धरले जाणार नाहीत.

या भरती प्रक्रियेसाठी उमेदवारांनी लवकरात लवकर आपले अर्ज दाखल करणे आवश्यक आहे. या भरती प्रक्रियेची सर्व माहिती आणि अर्ज करण्यासाठी bombayhighcourt.nic.in या वेबसाईटवर तुम्हाला जावे लागेल. तिथूनच या भरती प्रक्रियेसाठी तुम्ही अर्ज करू शकता. विशेष म्हणजे ही भरती प्रक्रिया तब्बल 4629 पदांसाठी पार पडत आहे. इच्छुकांनी वेळ वाया न घालता फटाफट या भरतीसाठी अर्ज करावेत.

भरती प्रक्रियेसाठी उमेदवारांना वयाची अट ही ठेवण्यात आलीये. अर्ज करणाऱ्या उमेदवाराचे कमीत कमी वय हे 18 आणि जास्तीत जास्त 38 असावे. यामध्ये काही प्रवर्गातील विद्यार्थ्यांना वयाच्या अटीमध्ये सूट देण्यात आलीये. कनिष्ठ लिपिक एकून पदसंख्या 2795, स्टेनोग्राफर ग्रेड 3 एकून पदसंख्या 568, शिपाई एकून पदसंख्या 1266 याप्रमाणे ही भरती प्रक्रिया पार पडणार आहे.

याप्रमाणे 4629 पदे ही भरली जातील. ही भरती प्रक्रिया विविध पदांसाठी पार पडत असल्याने शिक्षणाची अट देखील पदांनुसार असणार आहे. या भरती प्रक्रियेबद्दलची सर्व माहिती ही तुम्हाला bombayhighcourt.nic.in या साईटवरच मिळेल. परत एकदा लक्षात ठेवा की, या भरती प्रक्रियेसाठी अर्ज करण्याची शेवटची तारीख ही 18 डिसेंबर 2023 आहे. त्यापूर्वीच उमेदवारांना आपले अर्ज दाखल करावे लागतील.