पुण्यात राष्ट्रवादी माजी नगरसेवकाविरोधात गुन्हा दाखल, वारजे पोलिसांची कारवाई
भाजपच्या कार्यकर्त्यांना शिवीगाळ करणे, कामगारांना मारहाण करणे राष्ट्रावदी कॉंग्रेसच्या एका नगरसेवकाला चांगलेच महागात पडले आहे. हा नगरसेवक खासदार सुप्रिया सुळे यांचा निकटवर्तीय मानला जातो.
पुणे / अभिजीत पोते : भाजपच्या कार्यकर्त्यांना आणि बांधकाम कामगारांना शिवागाळ करणे आणि धमकावणे राष्ट्रवादी काँग्रेसच्या आमदाराला चांगलेच महागात पडले आहे. राष्ट्रवादी काँग्रेसचे नगरसेवक सचिन दोडके यांच्या विरोधात वारजे पोलीस ठाण्यात गुन्हा दाखल करण्यात आला आहे. दोडके यांच्यासह 5-6 कार्यकर्त्यांवर मारहाण तसेच शिवीगाळ करून धमकी दिल्याप्रकरणी कारवाई करण्यात आली आहे. वारजे पोलीस ठाण्यात भाजपच्या एका कार्यकर्त्यांने फिर्याद दिली आहे. या पार्श्वभूमीवर दोडके यांच्याविरोधात गुन्हा दाखल करण्यात आला आहे.
दोडके हे खासदार सुप्रिया सुळे यांचे निकटवर्तीय
सचिन दोडके हे राष्ट्रवादी काँग्रेसच्या खासदार सुप्रिया सुळे यांचे निकवर्तीय म्हणून ओळखले जातात. दोडके यांनी 2019 ला खडकवासला मतदारसंघातून विधानसभा निवडणूक लढवली होती. गेली अनेक वर्ष दोडेक पुणे शहरातील वारजे भागात ते नगरसेवक आहेत.
काय आहे प्रकरण?
फिर्यादी यांनी दिलेल्या माहितीनुसार, मंगळवारी संध्याकाळी 7.30 वाजता वारजे भागात असलेल्या आरएमडी कॉलेज ते साई सयाजी नगर येथे एक अंडरपस (बोगदा) आहे. त्या ठिकाणी खडकवासला लोकसभा मतदारसंघाचे भाजपचे आमदार भीमराव तापकीर यांच्या निधीतून काही विकासकाने चालू आहेत.
या ठिकाणी सचिन दोडके, संजय दोडके आणि त्यांचे इतर कार्यकर्ते पोहचले. यानंतर दोडके यांच्यासह त्यांच्या कार्यकर्त्यांनी फिर्यादी यांना शिवीगाळ करायला सुरुवात केली. तसेच संजय दोडके यांनी हातात बांबू घेऊन फिर्यादी यांच्या अंगावर जाऊन जीवे मारण्याची धमकी दिली. तेथे काम करत असलेल्या कामगारांनासुद्धा मारहाण केल्याचा आरोप फिर्यादी यांनी केला आहे.
