भांडणानंतर पत्नी माहेरी गेली, बहिणीकडे जेवून तो घरी गेला अन् उचललं टोकाचं पाऊल… ‘ते’ दृश्य पाहून आईने फोडला हंबरडा !

जयपूर : पती-पत्नीमध्ये खटके नेहमीच उडत असतात, ही भांडणं (dispute) कोणालाच चुकली नाहीत. पण भांडणानंतर पत्नी रागावून माहेरी गेल्यामुळे एका तरूणाने असं टोकाचं पाऊल उचललं जे पाहून सर्वच हादरले. पत्नी माहेरी गेल्यामुळे तो युवक गप्प-गप्प झाला, त्याचा जीवनातला रसच संपून गेला आणि त्याने सरळ स्वत:च आयुष्यच संपवून (husband killed himself) टाकलं. राजस्थानच्या डूंगरपूर जिल्ह्यात हा धक्कादायक प्रकार घडला आहे. मुलाचा निश्चल देह पाहून त्याच्या आईने काळीज पिळवटून टाकणारा हंबरडा फोडला. पोस्टमॉर्टम करून पोलिसांनी युवकाचा मृतदेह कुटुंबियांच्या हवाली केला.

मिळालेल्या माहितीनुसार, हृदय पिळवटून टाकणारे प्रकरण निथौवा पोलीस ठाण्याच्या हद्दीतील भोदन येथील वेला गावातील आहे. या गावातील रहिवासी नारायण (वय 32) हा अहमदाबाद येथे मजुरीचे काम करायचा. चार दिवसांपूर्वीच तो अहमदाबादहून आपल्या घरी आला होता. मात्र घरी आल्यावर काही कारणावरून पती-पत्नीमध्ये वाद झाले आणि रागावलेली पत्नी मुलाला घेऊन सरळ माहेरी निघून गेली. यामुळे नारायण एकदम गप्प झाला होता.

आईने दरवाजा उघडला आणि…

पत्नी माहेरी गेल्यावर नारायणच्या बहिणाने त्याला जेवण दिले. दोन घास कसेबसे पोटात ढकलून तो त्याच्या घरी जाऊन झोपला. दुसऱ्या दिवशी सकाळी त्याची आई घरी गेली असता तिला घराचा दरवाजा उघडा दिसला. आतमध्ये गेल्यावर समोरचं दृश्य पाहून तिने हंबरडाच फोडला. तिच्या मुलाने गळफास घेऊन आयुष्य संपवलं.

त्यानंतर नारायणच्या आईने आजूबाजूच्या लोकांना बोलावलं आणि पोलिसांना माहिती दिली. पोलिसांनी तत्काळ घटनास्थळ गाठून मृतदेह ताब्यात घेऊन पोस्टमॉर्टमसाठी पाठवला. त्यानंतर मृतदेह कुटुंबियांनाकडे सुपूर्द करण्यात आला. नारायण आणि त्याच्या पत्नीच्या नात्याबाबत पोलीस कुटुंबीयांची चौकशी करत असून ते या संपूर्ण प्रकरणाचा सखोल तपास करत आहेत.