Akola : तृतीयपंथीयाचा आणि दुकानदाराचा राडा, पण पोलिसांना धरले वेठीस

अकोला: अकोला (Akola) जिल्ह्यातल्या बार्शीटाकळी (barshi takali) येथे आठवडी बाजारात पैसै मागण्यासाठी आलेल्या तृतीयपंथींचा (transgender)यांचा आणि दुकानदाराचं जोराचं भांडण झालं. त्यामध्ये तृतीयपंथीचा हात फ्रॅक्चर झाल्याची माहिती समजली आहे. दोघांच्यामध्ये इतक्या जोरात झटापट झाली की, बाजारातील लोकांच्या भुवया जाग्यावर उंचावल्या. पण काही लोकांना ते भांडण सोडण्यात यश आलं. मग तृतीयपंथीयांनी थेट पोलिस स्टेशन गाठलं. जोपर्यंत न्याय मिळत नाही तोपर्यंत इथून हटणार नसल्याची भूमिका घेतली.

नेमकं काय झालं

बार्शीटाकळी पोलिस स्टेशनच्या बाजूच्या कॉम्प्लेक्समधील एका कृषी सेवा केंद्रामध्ये तृतीयपंथी पैसे मागण्यासाठी गेले होते. त्यावेळी तृतीयपंथीयांनी दुकानदारास एक हजार रुपयांचे दान करण्याची मागणी केली. पण दुकानदाराने पैसे देण्यात नकार दिला. त्यामुळे दुकानदार आणि तृतीयपंथीयांमध्ये जोराचा वाद सुरु झाला.

काही वेळाने हे प्रकरण झटापटीपर्यंत गेले. त्यावेळी बाजारात उपस्थित असलेली सगळी लोकं जमा झाली. लोकांच्यासमोर तृतीयपंथी आणि दुकानदार यांच्यात मारामारी झाली. मारामारीत एका एका तृतीयपंथीचा हात फॅक्टर झाला. पोलीस स्टेशनला तक्रार देण्यासाठी तृतीयपंथी गेले. त्या ठिकाणी त्यांनी जोपर्यंत आमची तक्रार घेत नाही, तोपर्यंत इथून जाणार नाही अशी भूमिका तृतीयपंथीयांनी घेतली. त्यानंतर लोकप्रतिनिधी आणि पोलिसांच्या मध्यस्थीने हे प्रकरण मिटवण्यात आले अशी माहिती सानिका राजपूत तृतीयपंथी यांनी दिली.