Akola : अकोला जिल्हातल्या बार्शीटाकळी तालुक्यात ट्रॅक्टर ट्राॅलीसह पुलावरुन नदीत कोसळले, चार जण जखमी!
नंदापुरकडे जात असतांना पिंजर्डा नदीच्या पुलावरून ट्रॅक्टर ट्राॅलीसहीत नदीत पडल्याने दुर्घटना घडली आहे. यावेळी ट्रॅक्टरच्या ट्राॅलीमध्ये चार मजुर बसले होते. ट्रॅक्टर थेट नदीत पडल्याने चारही मजुर जखमी झाले असून त्यांच्यावर सध्या प्राथमिक आरोग्य केंद्रात उपचार सुरू आहेत. हे मजुर नेमके कुठे आहेत, याची माहिती अद्याप मिळू शकली नाहीयं.
अकोला : अकोला (Akola) जिल्हातल्या बार्शीटाकळी तालुक्यात मोठी दुर्घटना घडलीयं. ट्रॅक्टर (Tractor) ट्राॅलीसह पुलावरुन नदीत कोसळले आहे. यात चार जण जखमी झाल्याची माहिती मिळतंय. अकोला जिल्हातल्या बार्शीटाकळी तालुक्यातील पिंजर येथे विटाखाली करुन पिंजर येथुन पातुर नंदापुरकडे जात असतांना कारंजा ते पिंजर रोडवरील पिंजर जवळील स्मशानभूमीला लागुनच असलेल्या पिंजर्डा नदीच्या पुलावरून चार मुजरांसह ट्रॅक्टर ट्राॅलीसहीत नदीत कोसळले आहे. अपघात (Accident) नेमका कशामुळे झाला हे समजू शकले नाहीयं. अपघातानंतर बघ्यांची मोठी गर्दी झाली होती.
पिंजर्डा नदीच्या पुलावरून ट्रॅक्टर ट्राॅलीसहीत नदीत पडले
नंदापुरकडे जात असतांना पिंजर्डा नदीच्या पुलावरून ट्रॅक्टर ट्राॅलीसहीत नदीत पडल्याने दुर्घटना घडली आहे. यावेळी ट्रॅक्टरच्या ट्राॅलीमध्ये चार मजुर बसले होते. ट्रॅक्टर थेट नदीत पडल्याने चारही मजुर जखमी झाले असून त्यांच्यावर सध्या प्राथमिक आरोग्य केंद्रात उपचार सुरू आहेत. हे मजुर नेमके कुठले आहेत, याची माहिती अद्याप मिळू शकली नाहीयं. अपघातानंतर ट्रॅक्टर नदीत पडलेले फोटो अनेकांनी काढून सोशल मीडियावर शेअर देखील केले आहेत.
चार मजुरांवर प्राथमिक आरोग्य केंद्रात उपचार सुरू
या अपघाताची माहिती परिसरामध्ये वाऱ्यासारखी पसरल्याने बघ्यांची मोठी गर्दी झाली होती. तसेच अपघात झाल्यावर आजुबाजूच्या लोकांनी मजुरांना बाहेर काढून आरोग्य केंद्रात पाठवण्यास मदत देखील केली. पिंजर्डा नदीच्या पुलावरून या अगोदरही अनेक अपघात झाल्याचे कळते आहे. नदीच्या पुलाचे संरक्षण कठडे चांगले नसल्याने नेहमीच या पुलावर अपघात होतात. तसेच या ट्रॅक्टरच्या अपघाताने नदीचे संरक्षण कठडे देखील तुटल्याचे दिसते आहे.
