भाजप कार्यकर्त्याचा मृतदेह फासावर लटकवला, बंगालमधील हिंसाचार शिगेला

भाजप कार्यकर्त्याचा मृतदेह फासावर लटकवला, बंगालमधील हिंसाचार शिगेला

पश्चिम बंगालमध्ये विधानसभा निवडणुकीच्या आधी राजकीय हिंसाचाराच्या घटना वाढतच चालल्या आहेत (BJP Mandal President Amit Sarkar was found dead near party office in Dinhata West Bengal).

चेतन पाटील

|

Mar 24, 2021 | 2:45 PM

कोलकाता : पश्चिम बंगालमध्ये विधानसभा निवडणुकीच्या आधी राजकीय हिंसाचाराच्या घटना वाढतच चालल्या आहेत. बंगालच्या कूचबिहार लोकसभा क्षेत्रात दिनहाटाचे विभागीय अध्यक्ष अमित सरकार यांचा फासावल लटकवलेला मृतदेह आढळला आहे. पक्ष कार्यालयाच्या जवळच त्यांचा मृतदेह सापडल्याने परिसरात एकच खळबळ उडाली आहे. या घटनेवरुन भाजप कार्यकर्त्यांनी तृणमूल काँग्रेसवर निशाणा साधला आहे. ही एकप्रकारे अमित सरकार यांची पूर्व नियोजित हत्याच आहे, असा आरोप भाजपकडून करण्यात येतोय (BJP Mandal President Amit Sarkar was found dead near party office in Dinhata West Bengal).

निवडणूक आयुक्तांकडून चिंता व्यक्त

भाजपने या प्रकरणाची तक्रार निवडणूक आयोगाकडे केली आहे. मुख्य निवडणूक आयुक्त सुनील अरोरा सध्या बंगालच्या दौऱ्यावर आहेत. त्यांनी या घटनेवर चिंता व्यक्त केली आहे. याप्रकरणी त्यांनी विशेष पोलीस पर्यवेक्षकाकडे संपूर्ण घटनेचा अहवाल मागितला आहे.

कैलाश विजयवर्गीय यांचा तृणमूल काँग्रेसवर निशाणा

भाजपचे महासचिव कैलाश विजयवर्गीय यांनी या घटनेवरुन भाजपवर निशाणा साधला आहे. विजयवर्गीय यांनी ट्विटरवर बंगालच्या मुख्यमंत्री ममता बॅनर्जी यांच्यावर टीका केली आहे. “दीदीचा खेळ सुरु, ममता सरकारचा राजनैतिक हिंसाचाराचा अंत अजूनही झालेला नाही. कूचबिहार लोकसभा क्षेत्रातील दिनहाटाचे विभागीय अध्यक्ष अमित सरकार यांना टीएमसीच्या गुंडांनी फाशीवर लटकवलं. राज्यात आतापर्यंत 130 पेक्षा जास्त भाजप कार्यकर्त्यांच्या हत्येला ममतांचा पक्ष जबाबदार आहे”, असा आरोप विजयवर्गीय यांनी केलाय.

याआधी देखील घडलीय अशीच घटना

याआधी देखील एका भाजप कार्यकर्त्याचा मृतदेह झाडाला लटकवलेल्या अवस्थेत मिळाला होता. ही घटना कोलकाता जवळील सोनरपुर गावात घडली होती. विकास नस्कर असं मृत कार्यकर्त्याचं नाव होतं. त्यावेळी देखील भाजपकडून टीएमसीवर गंभीर आरोप करण्यात आला होता. दरम्यान, पंतप्रधान नरेंद्र मोदी यांनी देखील बंगालमधील हिंसाचाराच्या पार्श्वभूमीवर ममता सरकारवर निशाणा साधला आहे.

27 मार्चला पहिल्या टप्प्यातील निवडणूक

बंगालमध्ये 27 मार्चपासून विधानसभा निवडणुकीसाठी मतदान होणार आहे. या निवडणुकीसाठी आठ टप्प्यांमध्ये मतदान होणार असून ते 29 एप्रिलपर्यंत सुरु राहणार आहे. त्यानंतर 2 मे रोजी निवडणुकीचा निकाल जाहीर होईल (BJP Mandal President Amit Sarkar was found dead near party office in Dinhata West Bengal).

हेही वाचा : ममता बॅनर्जींच्या पराभवासाठी भाजपचा खास प्लॅन; ‘हे’ पाच नेते गेमचेंजर ठरणार?

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें