पुण्यात महिलेला 65 हजारांचा गंडा, ऑनलाईन केक बूक करताना फसवणूक, OTP सांगणं महागात

पुण्यात महिलेला 65 हजारांचा गंडा, ऑनलाईन केक बूक करताना फसवणूक, OTP सांगणं महागात
प्रातिनिधीक फोटो
Image Credit source: टीव्ही9

30 वर्षीय तक्रारदार महिला ही पुण्यातील वाकड येथील रहिवासी असून तिने 14 फेब्रुवारी रोजी दुपारी ऑनलाईन केक बुक केला होता. काही वेळाने तिला देवेंद्र कुमार नामक व्यक्तीचा फोन आला.

अनिश बेंद्रे

|

Mar 17, 2022 | 1:42 PM

पुणे : ऑनलाईन केक बुक करताना महिलेची फसवणूक (Cyber Fraud) झाल्याचा प्रकार समोर आला आहे. सायबर चोरांनी महिलेला 65 हजार 191 रुपयांचा गंडा घातला. महिलेला एका लिंकद्वारे तिचे बँक डिटेल्स शेअर करण्यास सांगितले गेले. तिने ओटीपी देताच पाच वेळा व्यवहार करुन तिच्या बँक खात्यातून ऑनलाईन पैसे काढून घेण्यात आले. पुण्यात (Pune Crime) 30 वर्षीय महिलेने वाकड पोलिसात तक्रार दाखल केली आहे. अनोळखी व्यक्तींकडून आलेल्या लिंकवर क्लिक करु नका, आपले बँक तपशील शेअर करुन, ओटीपी (OTP) कुठल्याही व्यक्तीला सांगू नका, यासारखे ऑनलाईन व्यवहारांचे मूलभूत नियम पाळण्याविषयी वारंवार आवाहन करुनही अनेक जण फसवणुकीला बळी पडताना दिसत आहेत.

काय आहे प्रकरण?

30 वर्षीय तक्रारदार महिला ही पुण्यातील वाकड येथील रहिवासी असून तिने 14 फेब्रुवारी रोजी दुपारी ऑनलाईन केक बुक केला होता. काही वेळाने तिला देवेंद्र कुमार नामक व्यक्तीचा फोन आला.

नेमकं काय घडलं?

कुमारने महिलेला बँक खात्याचे तपशील देण्यास सांगितले आणि एक ऑनलाईन लिंक शेअर केली. त्यानंतर महिलेला वन टाईम पासवर्ड (OTP) मिळाला, जो तिने देवेंद्र कुमारसोबत शेअर केला. त्यानंतर लगेचच तिच्या खात्यातून पाच ऑनलाईन व्यवहारांद्वारे एकूण 65,191 रुपये डेबिट करण्यात आले.

परस्पर बँक खातं उघडलं

एफआयआरमधील माहितीनुसार, महिलेने भामट्याला याचा जाब विचारला असता त्याने पैसे परत करण्याचे आश्वासन दिले. परंतु त्याऐवजी तिचे आधार कार्ड आणि पॅन कार्ड वापरुन तिच्या नावावर बँक खाते उघडल्याचा प्रकार समोर आला आहे.

पैसे परत न मिळाल्याने महिलेने पोलिसात जाऊन फसवणुकीची तक्रार दाखल केली. पोलिसांनी अज्ञात व्यक्तीविरोधात फसवणूक केल्याप्रकरणी भारतीय दंड संहितेच्या कलम 419 आणि 420 आणि माहिती तंत्रज्ञान कायद्याच्या कलमांखाली गुन्हा दाखल केला आहे. या प्रकरणी पोलीस उपनिरीक्षक दीपक कडबाने तपास करत आहेत.

संबंधित बातम्या :

सोनम कपूरच्या सासऱ्यांना लागला 27 कोटी रुपयांचा चुना; जाणून घ्या, कशी झाली ही फसवणूक?

तुम्हाला देखील 25 लाखांचा ‘हा’ मेसेज आलाय? नेमकं सत्य काय जाणून घ्या

तुमच्या ही बँक खात्यातून पैसे झाले गायब? चिंता करू नका अशाप्रकारे थांबवा पुढील धोका

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें