गरबा सुरू होता, डीजे बंद झाला… डीजे ऑपरेटरचा मृत्यू, मृत्यूचं हे आहे कारण…

नाशिक : नाशिकमध्ये नवरात्र उत्सवाला (Navratra Festival) गालबोट लागले आहे. गरबा खेळत असतांना नाशिकमध्ये (Nashik)  एक दुर्दैवी घटना घडली आहे. गरबा ऐन रंगात आलेला असतांना इलेक्ट्रिक शॉक डीजे ऑपरेटरचा मृत्यू (DJ Operator Death) झाला आहे. पप्पू बेंडकुळे असे डीजे ऑपरेटरचे नाव असून मंगळवारी रात्री ही घटना घडली असून या घटणेने हळहळ व्यक्त केली जात आहे. आडगाव परिसरात जय जनार्दन फाउंडेशन मंडळाकडून गरब्याचे आयोजन करण्यात आले होते. त्या दरम्यान ही घटना घडली असून आडगाव पोलीस ठाण्याचे पोलीस अधिकचा तपास करीत आहे. खरंतर तब्बल दोन वर्षांनी निर्बंधमुक्त सण-उत्सव साजरे होत असतांना मोठा उत्साह नागरिकांमध्ये बघायला मिळत आहे. त्यातच ही घटना घडल्याने दसऱ्याला गालबोट लागल्याने नागरिकांमध्ये हळहळ व्यक्त होते आहे.

नाशिकच्या आडगाव शिवारात जय जनार्दन फाउंडेशनच्या वतीने आयोजित गरबा कार्यक्रमात दुर्दवी घटना घडली असून आडगाव पोलिसांकडून या मृत्यूच्या घटनेचा तपास केला जात आहे.

गरबा ऐन रंगात आलेला असतांना डीजे अचानक बंद पडल्याने सगळेजण डीजे कडे बघायला लागले त्याच वेळी स्पार्क झाल्याचा आवाज झाला होता.

जय जनार्दन फाउंडेशन मंडळाच्या सदस्यांनी लागलीच डीजेकडे धाव घेतली आणि डीजे ऑपरेटरला शॉक लागल्याचे लक्षात आले. त्यानंतर त्याचा मृत्यू झाल्याचे लक्षात आले.

एकूणच या घटणेनंतर गरबा खेळण्यास आलेल्या नागरिकांचा हिरमोड झाला होता. मात्र, डीजे ऑपरेटरचा मृत्यू झाल्याचे ऐकून सर्वच जण हळहळ व्यक्त करत होते.

गेल्या नऊ दिवसांपासून जोरदार गरबा खेळाला जात होता. मंगळवारी शेवटचा दिवस असल्याने नागरिकांनी तुफान गर्दी केली होती. त्याच वेळी ही दुर्दैवी घटना घडली आहे.