सांगलीत हवेत गोळीबार, डोळ्यात चटणी टाकून चौघांवर तलवार-कोयत्याने वार

सांगली येथील वाळव्यात हवेत गोळीबार झाल्याची घटना समोर आली आहे. (Firing in the air in Sangli)

अक्षय चोरगे, टीव्ही 9 मराठी डिजीटल टीम | Updated on: Feb 13, 2021 | 4:12 PM

सांगली : सांगली येथील वाळव्यात हवेत गोळीबार झाल्याची घटना समोर आली आहे. जीवे मारण्याच्या उद्देशाने चार हल्लेखोरांनी डोळ्यात चटणी टाकून चार जणांवर हल्ला केला. यावेळी हल्लेखोरांनी चार जणांवर तलवारीने आणि कोयत्याने वार करत त्यांना जखमी केलं आहे. (Firing in the air in Sangli, Sword and sickle attack on four people)

सांगली जिल्हयातील वाळवा येथे जीवे मारण्याच्या उद्देशाने डोळ्यात चटणी टाकून चार जणांवर जीवघेणा हल्ला करण्यात आला. या हल्ल्यावेळी तलवार आणि कोयत्याने चार जणांवर वार करण्यात आले आहेत. या हल्ल्यात चारही जण जबर जखमी आहेत. यामध्ये चार हल्लेखोर सहभागी होते. त्यापैकी एकाने हवेत गोळीबारही केला.

या हल्ल्यात अतुल अहिर, अंकुश अहिर, रोहन अहिर आणि प्रशांत अहिर हे चार जण जखमी झाले आहेत. हल्लेखोरांनी अतुल आणि अंकुशच्या डोक्यात आणि हातावर तलवारीने वार केले आहेत. या घटनेनंतर आष्टा पोलीस घटनास्थळी दाखल झाले असून, जखमींना उपचारासाठी सांगली सिव्हिल हॉस्पिटलमध्ये दाखल करण्यात आले आहे.

पोलीस या प्रकरणाचा तपास करीत आहेत, तर हल्लेखोर हल्ला करुन पळून गेले असून त्यांना शोधण्यासाठी पोलिसांनी कंबर कसली आहे. दरम्यान, पूर्ववैमनस्यातून हा हल्ला झाला असल्याचे जखमींच्या नातेवाईकांचे म्हणणे आहे.

धक्कादायक ! मॅनहोलमध्ये लपलंय काय? तब्बल 21 लाखांचं सोनं, पोलीसही हैराणhttps://t.co/iS6MkJMCYg #MumbaiPolice #Juhu #JuhuPolice #Gold #Crime @MumbaiPolice

— TV9 Marathi (@TV9Marathi) February 12, 2021