परदेशी तरुणीचा कराडमध्ये धिंगाणा, जीप चोरुन पळवली, दहा जण थोडक्यात वाचले

कराड : अंमली पदार्थाच्या सेवनानंतर परदेशी तरुणीने कराड-चिपळूण रोडवर धुडगूस घातल्याचं समोर आलं आहे. आधी बाईक, त्यानंतर रस्त्यावर उभी असलेली जीप पळवून तिने कराडपर्यंत अनेकांना धडका दिल्या. कराडजवळ जीप पलटी झाल्यानंतर हा थरार संपला. परदेशी तरुणीला ताब्यात घेऊन पोलिसांनी गुन्हा नोंदवला आहे. (Foreigner Girl steals Jeep in Karad ran into several locals)

साताऱ्यात परदेशी युवतीने जीप चोरुन भररस्त्यात अनेकांना उडवल्याचा धक्कादायक प्रकार काल (रविवारी) रात्री घडला. मूळ नेदरलँडच्या असलेल्या पावलीन कोरनेलिया जिसजे या तरुणीने अंमली पदार्थाची नशा केल्याची प्राथमिक माहिती आहे. कराडच्या कृषी महाविद्यालयाजवळ जीप उलटल्यानंतर ती पोलिसांच्या हाती लागली. या घटनेने कराड आणि पाटण परिसरात एकच खळबळ उडाली आहे.

नेमकं काय घडलं?

चिपळूनच्या दिशेने बाईकवरुन आलेल्या परदेशी तरुणीने पाटण नवा रस्ता भागात धुडगूस घातला. यावेळी नागरिकांनी पोलिसांना फोन करुन घटनेची माहिती दिली. या तरुणीने जवळच्या दुकानासमोर उभी असणारी महिंद्रा जीप पळवून कराडच्या दिशेने पोबारा केला.

जीपचा वेग ताशी शंभरच्या पलिकडे होता. वाटेत तिने अनेकांना जोरात कट मारले तसेच दहा ते बारा जण थोडक्यात बचावले, अशी माहिती प्रत्यक्षदर्शींनी दिली. अखेर कराडमधील कृषी महाविद्यालयात एका वॅगन आर गाडीला धडक देऊन तिची जीप उलटली.

कराड पोलिसांनी तिला ताब्यात घेऊन अधिक तपास सुरु केला आहे. अटकेची प्रक्रिया करुन तिला आज न्यायालयात हजार केले जाणार आहे. पोलिस ठाण्यात फक्त अपघाताची नोंद करण्यात आली आहे.

Sangli | सांगलीत बस्तवडे येथे काँप्रेसर गाडीचा स्फोट, दोघांचा मृत्यूhttps://t.co/vJHSgIqFWt#Accident

— TV9 Marathi (@TV9Marathi) December 6, 2020

(Foreigner Girl steals Jeep in Karad ran into several locals)

मुंबईत ‘खिडकी’ मद्यपी अटकेत

मुंबईतील पश्चिम द्रुतगती महामार्गावर वेगवान गाडीबाहेर लटकन दारु पिणाऱ्या तरुणांचा व्हिडीओ नुकताच समोर आला होता. मागील खिडकीच्या काचा खाली करुन त्यावर बसत दोन युवक मद्यपान करत असल्याचं यामध्ये दिसत होतं. या प्रकारामुळे सोशल मीडियावर संताप व्यक्त करुन त्यांच्या अटकेची मागणी केली जात होती.

पोलिसांनी दिलेल्या माहितीनुसार दोन डिसेंबरला मध्यरात्री जवळपास एक वाजून 25 मिनिटांनी ही कारवाई करण्यात आली. वेस्टर्न एक्स्प्रेस हायवेवर सहारा उड्डाणपुलाजवळ MH 47 AB 6622 या कारमधून धावत्या गाडीच्या दरवाजाबाहेर लटकून मद्यपान करणाऱ्या युवकांचा व्हिडीओ पोलिसांना मिळाला होता.

संबंधित बातम्या :

भरधाव गाडीच्या खिडकीत लटकून मद्यपान, मुंबईत तीन स्टंटबाजांना बेड्या

(Foreigner Girl steals Jeep in Karad ran into several locals)