वधू माझी आहे, नवऱ्याला आला व्हॉट्सॲपवर मेसेज.. आणि मंडपातूनच परतली वरात !

लखनऊ : उत्तर प्रदेशमधील एका गावात लग्नाची जोरदार तयारी सुरू होती. मात्र शहनाईचे सूर गुंजत असताना सर्वांनाच मोठा धक्का बसला. लग्न लागल्यावर वर-वधू स्टेजवरील सोफ्यावर विराजमान झाले होते. मात्र त्याचवेळी वराच्या मोबाईलवर एक कॉल आला आणि त्याला व्हॉट्सॲप मेसेज (whatsapp message) चेक करायला सांगितले. मात्र ते फोटो पाहून त्याला एवढा मोठा धक्का बसला की त्याने ते लग्न (broken marriage) तिथेच मोडले आणि वधूला न घेताच त्यांची वरात परत गेली. हसतंखेळतं लग्नघर क्षणार्धात दु:खात बुडालं.

नवऱ्याच्या त्याच्या व्हॉट्सॲपवर त्याच्या भावी पत्नीचे काही अंतरंगी आणि आक्षेपार्ह स्थितीतील फोटो होते. यानंतर, नवरा मुलगा आणि फोनवर पलीकडे असलेल्या व्यक्तीमध्ये फोनवर जोरदार वादावादी सुरू झाली. शेवटी, वर स्टेजवरून खाली उतरला आणि हे लग्न होऊ शकत नसल्याची घोषणा त्याने केली. हे प्रकरण शोहर्ताड पोलीस ठाण्याच्या हद्दीतील पाकडी या गावाशी संबंधित आहे जिथे सोमवारी रात्री लग्नाची वरात आली होती. नातेवाईकांसह संपूर्ण कुटुंब मुलीच्या लग्नाच्या आनंदात व्यग्र होते, मात्र वराचा (लग्न मोडल्याचा) निरोप आल्यानंतरच संपूर्ण वातावरण बदलून गेले.

या घटनेनंतर पोलीस व ग्रामस्थांसह ग्रामस्थ, प्रज्ञावंत, नातेवाईक यांनी वराची समजूत घालण्यास सुरुवात केली. तसेच व्हिडिओ व फोटो पाठवणाऱ्या तरुणाला पकडण्यात आले. लोकांनी त्याला समजावूनही सांगितले, पण तो तरुण त्याच्या वागण्या-बोलण्यापासून परावृत्त होऊ शकला नाही. ही बाब लक्षात आल्यानंतर वऱ्हाड्यांनी लग्नास नकार दिला आणि लग्न न करताच वरात परत घेऊन निघाले. पोलिसांनी लग्नात अडथळा आणणाऱ्या तरुणाला पकडून शोहरातगड पोलिस स्टेशनच्या ताब्यात दिले. याबाबत न्यायाधिकारी गरवित सिंह यांनी सांगितले की, वधूच्या वडिलांच्या तक्रारीवरून विवाहात अडथळा आणणाऱ्या व्यक्तीविरुद्ध गुन्हा दाखल करण्यात येत आहे. या प्रकरणाची चौकशी करून कारवाई केली जाईल, असेही त्यांनी नमूद केले.