T20 World Cup Points Table 2026 : टीम इंडिया ग्रुपमध्ये टॉपवर पण रनरेटच्या हिशोबाने… जाणून घ्या पॉइंट्स टेबलच पूर्ण गणित

T20 World Cup 2026 Points Table Updated : टी 20 वर्ल्ड कपमध्ये यंदा 20 टीम्स आहेत. त्यातल्या 12 संघांनी आपापला एक-एक सामना खेळला आहे. पॉइंट्स टेबलमध्ये टीम इंडियासह चार टीम्सची स्थिती एकसारखीच आहे. टी 20 वर्ल्ड कपमध्ये काल श्रीलंका आणि आयर्लंड यांच्यात सहावा सामना झाला. यानंतर पॉइंट्स टेबलचं जे गणित आहे, त्यानुसार भारतीय टीमचा आपल्या ग्रुपमध्ये बोलबाला आहे. पण रनरेटच्या हिशोबाने टीम इंडिया टॉपवर नाहीय. टी 20 वर्ल्ड कप 2026 मध्ये टीम्सची चार गटात विभागणी झाली आहे. पॉइंट्स टेबलमध्ये प्रत्येक टीमची काय स्थिती आहे, समजून घेऊया.

सर्वप्रथम ग्रुप ए बद्दल बोलूया. भारत आणि पाकिस्तान शिवाय USA, नेदरलँड्स आणि नामीबिया या टीम्स आहेत. यात नामीबियाला सोडल्यास अन्य चार टीम्सनी आपला एक-एक सामना खेळलाय. ग्रुप ए मध्ये भारत आणि पाकिस्तानचे प्रत्येकी 2-2 पॉइंट्स आहेत. पण चांगल्या रनरेटच्या आधारावर टीम इंडिया टॉपवर आहे. ग्रुप ए च्या पॉइंट्स टेबलमध्ये नेदरलँड्सची टीम तिसऱ्या आणि USA चौथ्या स्थानावर आहे. नामीबियाने अजून एकही सामना खेळलेला नाही. ते पाचव्या स्थानावर आहेत.

ग्रुप बी ची स्थिती काय?

ग्रुप बी मध्ये श्रीलंका, आयर्लंड, ओमान आणि झिम्बाब्वे या टीम्स आहेत. यात श्रीलंका आणि आयर्लंड टीमने प्रत्येकी एक-एक सामना खेळलाय. 8 फेब्रुवारीच्या संध्याकाळी श्रीलंका आणि आयर्लंडमध्ये मॅच झाली. श्रीलंकेने हा सामना जिंकला. ग्रुप बी मध्ये श्रीलंका टीम 2 पॉइंटसह टॉपवर आहे. आयर्लंड दुसऱ्या नंबरवर आहे. ऑस्ट्रेलिया, ओमान आणि झिम्बाब्वेने अजून आपल्या वर्ल्ड कप अभियानाला सुरुवात केलेली नाही.

ग्रुप सी मध्ये टॉपवर कोण?

ग्रुप सी मध्ये 5 पैकी 4 टीम्सनी कालपर्यंत प्रत्येक आपला एक-एक सामना खेळला आहे. या ग्रुपमध्ये वेस्ट इंडिज, इंग्लंड, नेपाळ, स्कॉटलंड आणि इटली या टीम्स आहेत. यात 5 टीम्समध्ये इटली वगळता अन्य टीम्सनी आपला एक-एक सामना खेळला आहे. वेस्ट इंडिज आणि इंग्लंडने प्रत्येकी एक-एक मॅच जिंकून 2-2 पॉइंट मिळवलेत. वेस्ट इंडिजचा रनरेट (1.750) आणि इंग्लंडचा रनरेट (0.200) आहे. त्यामुळे वेस्ट इंडिजची टीम टॉपवर आहे.

ग्रुप डी च चित्र काय?

ग्रुप डी मध्ये तीन टीम्सना अजून सुरुवात करायची आहे. म्हणजे न्यूझीलंड आणि अफगाणिस्तानने आपला एक-एक सामना खेळलाय. परस्परांविरुद्ध झालेल्या सामन्यात न्यूझीलंडने अफगाणिस्तानला हरवलं. या ग्रुपमधील कॅनडा, दक्षिण आफ्रिका आणि UAE ने अजूनपर्यंत आपला एकही सामना खेळलेला नाही.