Hariyana MLA Threat : …तर मूसेवाला सारखी परिस्थिती होईल, हरियाणातील काँग्रेस आमदाराला धमकी
तक्रारीनंतर पतौडी येथे पाच अज्ञात आरोपींविरुद्ध कलम 148 (दंगल), 149 (बेकायदेशीर सभा), 323 (हानी करणे), 452 (घरात घुसखोरी), 506 (गुन्हेगारी धमकी) आणि शस्त्र कायदा कलम 25-54-59 अन्वये एफआयआर नोंदवण्यात आला आहे.
हरियाणा : गँगस्टर केलेल्या टिप्पणीवर संतप्त झालेल्या गुंडांनी झज्जरमधील बदली येथील काँग्रेस आमदार कुलदीप वत्स (Kuldeep Vatsa) यांच्या घरात घुसून धमकी (Threaten) दिल्याची घटना घडली आहे. गुंडांनी वत्स यांच्या कूकला मारहाण (Beating) केली आणि बंदुकीचा धाक दाखवून धमकावले. पंजाबी गायक सिद्धू मुसेवालालाही सोडले नाही, आमदारांनीही काळजी घ्यावी, असे या गुंडांनी कूकला सांगितले. त्यानंतर हे पाचही आरोपी शेताकडे निघून गेले. कुकच्या तक्रारीवरून पोलिसांनी शनिवारी पतौडी पोलिस ठाण्यात गुन्हा दाखल करून तपास सुरू केला. मात्र, हल्लेखोरांची माहिती अद्याप मिळालेली नाही. एसटीएफ या प्रकरणाची चौकशी करेल. धमक्या देणाऱ्या आरोपींना लवकरात लवकर अटक करण्यात येईल, असे हरियाणाचे गृहमंत्री अनिल विज यांनी सांगितले.
तक्रारीनंतर पतौडी येथे पाच अज्ञात आरोपींविरुद्ध कलम 148 (दंगल), 149 (बेकायदेशीर सभा), 323 (हानी करणे), 452 (घरात घुसखोरी), 506 (गुन्हेगारी धमकी) आणि शस्त्र कायदा कलम 25-54-59 अन्वये एफआयआर नोंदवण्यात आला आहे. आरोपींचा शोध घेण्यासाठी छापेमारी सुरू असल्याचे पोलिसांनी सांगितले.
कूकमार्फत आमदाराला धमकी
उल्लेखनीय म्हणजे आतापर्यंत राज्यातील पाच आमदारांना गुंडांकडून धमक्या आल्या आहेत. राजीव असे वत्स यांच्या कूकचे नाव असून तो मूळचा उत्तर प्रदेशातील अलीगढचा रहिवासी आहे. तो गुरुग्राममधील पटौडी येथील आमदार कुलदीप वत्स यांच्या घरी स्वयंपाकी आहे. शुक्रवारी दुपारी तो घरी एकटेच असताना गेट ठोठावल्याचा आवाज आला. गेट उघडण्यासाठी गेला असता पाच गुंड जबरदस्तीने आत घुसले आणि बंदुक दाखवत आमदार कुलदीप वत्स कुठे आहेत? असे विचारले. आमदार अजून आलेले नाहीत, असे कुक राजीवने त्यांना सांगितले. त्यावर आमदारांना त्या लोकांबद्दल जास्त बोलू नका, असे सांग असे बदमाशांनी सांगितले. आम्ही मुसेवाल्यालाही सोडले नाही, तेव्हा त्यांनीही स्वत:ची काळजी घेतली पाहिजे. कूकने हल्लेखोरांना प्रतिकार केल्यावर गुंडांनी त्याला बेदम मारहाण केली. त्यांनी कमरेला पिस्तुल लावले. संपूर्ण घराची झडती घेतल्यानंतर आरोपी शेतातून पळून गेले.
दहशत पसरवण्यासाठी धमकी
माझे कोणाशीही वैर नाही. आपल्याला पहिल्यांदाच धमकी देण्यात आली आहे. आरोपींना राज्यात दहशत पसरवायची आहे, पण आपण घाबरत नाहीत, असे आमदार कुलदीप वत्स यांनी मीडियाला प्रतिक्रिया देताना सांगितले.
संजयसिंगला धमकी देणारा फरार
सोहना येथील आमदार संजय सिंह यांना परदेशी क्रमांकाने धमकी देणाऱ्या बदमाशाचा अद्याप शोध लागलेला नाही. गुंड नीरज बवाना टोळीचा सदस्य बनून आमदाराकडे पाच लाखांची खंडणी मागितली होती. याप्रकरणी कोणालाही अटक करण्यात आलेली नाही. (Haryana Congress MLA Kuldeep Vats threatened to kill by goons)
