तीन मुलांच्या आईवर टॅक्सीचालकाचा जीव जडला, महिलेने सोबत येण्यास नकार देताच केले ‘असे’ कृत्य

दिल्ली : तीन मुलांच्या आईवर टॅक्सी चालकाचा जीव जडला होता. पण महिला आपल्या पती आणि तीन मुलांना सोडून त्याच्यासोबत जाण्यास तयार नव्हती. यामुळे टॅक्सी चालकाने तिची हत्या केल्याची घटना दिल्लीत उघडकीस आली आहे. याप्रकरणी पोलिसांनी आरोपी टॅक्सी चालकाला अटक केली आहे. शिव शंकर मुखिया असे आरोपीचे नाव आहे. आरोपीही विवाहित असून त्याला चार मुले आहेत. आरोपी आणि पीडितेची तीन वर्षापूर्वी एका कॉमन फ्रेंडच्या माध्यमातून ओळख झाली होती. यानंतर आरोपी तिला खर्चासाठी पैसे द्यायचा.

महिला पतीला सोडून येण्यास तयार नव्हती

पीडित महिला आपल्या पती आणि मुलांसोबत राहत होती. तिचा पती मिळेल काम करुन कुटुंबाचा उदरनिर्वाह करत होता. आरोपी गेल्या काही महिन्यांपासून महिलेकडे लग्नासाठी तगादा लावत होता. तसेच पतीला सोडण्यास सांगत होता. मात्र महिलेने पती आणि तीन मुलांना सोडून त्याच्याकडे येण्यास नकार दिला. यामुळे संतापलेल्या शिवशंकरने आधी परिसरात महिलेचे अश्लील पोस्टर लावले.

शवविच्छेदन अहवालात जखमी आढळल्या

यानंतर आरोपीने महिलेला तिच्या घरातच संपवले. महिलेचा पती घरी आल्यानंतर त्याने पत्नीचा मृतदेह पाहिला. त्यानंतर पोलिसांनी घटनेची माहिती देण्यात आली. पोलिसांनी तात्काळ घटनास्थळी धाव घेत मृतदेह शवविच्छेदनासाठी रुग्णालयात पाठवला. शवविच्छेदन अहवालात महिलेच्या डोक्यावर आणि तोंडात जखमी आढळल्या.

तांत्रिक तपासाच्या आधारे आरोपीला अटक

यानंतर पोलिसांनी परिसरातील सीसीटीव्ही, महिलेचे फोन रेकॉर्ड तपासले असता आरोपीबाबत माहिती मिळाली. पोलिसांनी त्याला दक्षिण दिल्लीतील चिराग दिल्ली परिसरातून ताब्यात घेतले. त्याची कसून चौकशी केली असता पोलिसांनी त्याने गु्न्ह्याची कबुली दिली.