पत्नीला प्रियकरासोबत आपत्तीजनक स्थितीत पाहून पतीला संताप अनावर, पुढे जे घडले ते कल्पनेपलिकडचे !

रांची : पती घरी नसताना पत्नीचा प्रियकर घरी यायचा. मात्र अखेर त्यांची चोरी पकडली गेली आणि पत्नीला परपुरुषासोबत नको त्या अवस्थेत पाहून पतीला संताप अनावर झाला. संतापलेल्या पतीने पत्नीच्या प्रियकरावर जीवघेणा हल्ला केला. या हल्ल्ल्यात प्रियकराचा जागीच मृत्यू झाला. हत्या केल्यानंतर आरोपी फरार झाला आहे. नामजान बरला असे मयत पतीचे नाव आहे. गावातील लोकांनी अंगणात रक्ताने माखलेला मृतदेह पाहिला आणि पोलिसांना माहिती दिली. पोलिसांनी तात्काळ घटनास्थळी धाव घेत मृतदेह ताब्यात शवविच्छेदनासाठी रुग्णालयात पाठवला. पोलिसांनी घटनास्थळावरुन गुन्ह्यात वापरलेले हत्यारही जप्त केले आहे.

आरोपीला अटक

डॉग स्कॉडच्या मदतीने पोलिसांनी गावातील एका घरातून आरोपीला अटक केली आहे. हत्या केल्यानंतर आरोपी गावातच एका घरात लपून बसला होता. अमृत होरो असे आरोपी पतीचे नाव आहे. बंडूच्या लापुंग पोलीस स्टेशन हद्दीतील सारंगलोया गावात ही खळबळजनक घटना घडली. पोलीस चौकशीत आरोपीने गुन्ह्याची कबुली दिली आहे.

पत्नीला प्रियकरासोबत नको त्या अवस्थेत पाहिले अन्…

नामजानचे आणि आरोपीच्या पत्नीचे प्रेमसंबंध सुरु होते. अमृत घरी नसताना नामजन त्याच्या पत्नीला भेटायला घरी यायचा. अमृतला प्रेमसंबंधाची माहिती मिळताच त्याने दोघांनाही समज दिली होती. मात्र दोघेही ऐकत नव्हते. एक दिवस अमृत घरी आला असता त्याने पत्नीला आणि नामजनला बेडवर नको त्या अवस्थेत पाहिले. यानंतर त्याला संताप अनावर झाला आणि त्याने हा विषय कायमचाच संपवला. पोलिसांनी आरोपीला अटक करत पुढील कारवाई सुरु केली आहे.