जे घडतय ते शांतपणे पाहात रहा; घर मालकाशी पत्नीचे संबंध, पतीला कळताच… थरकाप उडवणारी घटना

फसवणूक करणे काही लोकांच्या स्वभावातच असते. जोडीदार कितीही प्रेम करणारा असला, तरी फसवणूक करणारा फसवणूक करतोच. असेच काहीसे मध्य प्रदेशातील इंदूर येथील एका व्यक्तीसोबत घडले. त्याच्या पत्नीचे घर मालकाशी प्रेमसंबंध होते. जेव्हा पतीने पत्नीला घर मालकासोबत संबंध ठेवताना पकडले, तेव्हा त्याच्या पायाखालची जमीन सरकली. त्याने पत्नीला विचारले, तेव्हा पत्नीने उलट त्याला धमकावण्यास सुरुवात केली. ती म्हणाली, “जे काही घडत आहे, ते शांतपणे पाहत रहा. जर तोंड उघडले, तर तुझे 36 तुकडे करून टाकीन.”

देश आधीच मुस्कान आणि सोनम रघुवंशी प्रकरणांमुळे हादरले आहे. पतींमध्ये एक वेगळ्याच प्रकारची भीती आहे. कुठे त्यांची पत्नीही मुस्कान आणि सोनमप्रमाणे त्यांना मारून टाकेल. आता हेच भय या व्यक्तीलाही वाटू लागला आहे. त्याने पोलीस ठाण्यात जाऊन पोलिसांकडे मदत मागितली. तो म्हणाला, “साहेब, माझी बायको मलाही तसेच मारून टाकेल, जसे मुस्कान आणि सोनमने त्यांच्या पतींना मारले. ती मला कापून टाकण्याची धमकी देते. मी आता हतबल झालो आहे. कृपया माझी मदत करा.”

वाचा: पतीने बेडरुममध्ये लावला कॅमरा, बनवला अश्लील व्हिडिओ! नंतर ठेवली अट, सासऱ्यानेही मग… पोलिसही थक्क झाले

विवेक (बदलेले नाव) याने पोलीस ठाण्यात सांगितले, “साहेब, मी इंदूरच्या एका भागात भाड्याच्या घरात राहतो. सोबत माझी पत्नी आणि एक मुलगा आहे. मी कामासाठी बाहेर जातो. पण माझ्या अनुपस्थितीत माझ्या पत्नीचे घरमालकाशी प्रेमसंबंध सुरू झाले. मला आधी शंका होती, पण एके दिवशी मी त्यांना रंगेहाथ पकडले. मी माझ्या पत्नीला विचारले की, हे सगळे काय चालले आहे? तुझा एक पती आणि मुलगा आहे, तरी तू हे सगळे करतेस. तुला लाज वाटत नाही का?”

“निळ्या ड्रममध्ये कापून टाकीन”

यावर पत्नी भडकली. ती म्हणाली, “मुस्कान आणि सोनम रघुवंशी आठवतात ना? जे काही घडत आहे, ते शांतपणे पाहत रहा. नाहीतर तुझे 36 तुकडे करून तुला निळ्या ड्रममध्ये भरेन. कुणाला काही कळणारही नाही.” पतीने सांगितले, “साहेब, माझी बायको माझ्या मुलालाही धमकावते. आम्ही दोघेही तिच्यामुळे त्रस्त झालो आहोत. आम्ही सतत घरात बंद राहतो, कारण ती कुठे आमच्यावर हल्ला करवेल याची भीती आहे. मी रात्री लपून-छपून घराबाहेर पडतो.” पोलिसांना तो म्हणाला, “कृपया मला संरक्षण द्या किंवा माझ्या पत्नीपासून सुटका करा.” दरम्यान, या प्रकरणाची आता सोशल मीडियावरही चर्चा सुरू झाली आहे.