Jaipur : जयपूरच्या सिनेस्टार सिनेमा हॉलला भीषण आग, इमारतीत लोक अडकली असल्याची भीती

नवी दिल्ली – जयपूरच्या (Jaipur) विद्याधर नगरमध्ये सिनेस्टार सिनेमा हॉलला (Cinema Hall) भीषण आग लागली होती. आगीमुळे घटनास्थळी घबराट पसरली आहे. तळघरात आग लागली होती. अपघाताची माहिती पोलीस (Police) आणि अग्निशमन दलाला देण्यात आली. तात्काळ अग्निशमन दलाच्या अनेक गाड्या घटनास्थळी पोहोचल्या. तसेच अग्निशमन दलाच्या जवानांनी आग विझवण्याचा प्रयत्न केला. इमारतीत काही लोक अडकले असल्याची प्राथमिक माहिती मिळत आहे.

सिनेमा हॉलमध्ये खळबळ उडाली होती

मिळालेल्या माहितीनुसार कोणतीही जीवितहानी झालेली नाही. आगीमुळे सिनेमा हॉलमध्ये खळबळ उडाली होती. ही माहिती अग्निशमन विभागाला तात्काळ देण्यात आली. त्याचबरोबर तिथून लोकांना बाहेर काढण्याचा प्रयत्न देखील करण्यात आला. बचाव कार्यासाठी पोलिस प्रशासन आणि अग्निशमन दलाच्या अनेक गाड्या घटनास्थळी पोहोचल्या आहेत. आग लागल्यानंतर स्थानिक पोलीस सुध्दा घटनास्थळी पोहोचले आहेत. जमलेल्या लोकांना घटनास्थळावरून हटवण्यात आले आहे. यानंतर अग्निशमन दलाचे पथक सिनेमागृहाच्या तळघरात पोहोचले. अग्निशमन दलाने अथक प्रयत्नानंतर आग आटोक्यात आणली आहे.

लाखो रुपयांचा माल पूर्णपणे जळून खाक झाला आहे

त्याचवेळी ग्रेटर नोएडातील बिसरख येथील हायराईज सोसायटीमध्ये आग लागली. सोसायटीच्या 17 व्या मजल्यावरील फ्लॅटमध्ये आग लागली. त्यामुळे अग्निशमन दलाच्या पथकालाही तेथेही पाचारण करण्यात आले. ही घटना पाम ऑलिम्पिया सोसायटीत घडली आहे. आगीमुळे फ्लॅटमध्ये ठेवलेला लाखो रुपयांचा माल पूर्णपणे जळून खाक झाला. या घटनेचे कारण शॉर्ट सर्किट असल्याचे सांगण्यात आले.

Krishna Prakash met Sharad Pawar : बदलीनंतर आयर्नमॅन कृष्णप्रकाश यांनी गोविंदबागेत घेतली शरद पवारांची भेट

Krishna Prakash met Sharad Pawar : बदलीनंतर आयर्नमॅन कृष्णप्रकाश यांनी गोविंदबागेत घेतली शरद पवारांची भेट

Navneet Rana Films Video: संजय राऊतांच्या ‘C’ ग्रेड अटॅकनंतर नवनीत राणांचे हे चार व्हिडीओ का चर्चेत आहेत ?