बांगलादेशी बन्ना शेख मुंबईत येऊन बनली रिया बर्डे, अडल्ट चित्रपटात काम… पोर्न स्टारने पूर्ण परिवाराचा आधार कार्ड, पासपोर्ट अन् वोटर आयडीही बनवला
mumbai crime: रियाच्या आईने पश्चिम बंगालमधील असल्याचे सांगून बनावट कागदपत्रांद्वारे भारतीय नागरिकत्व मिळवले होते. याआधी रियाला मुंबई पोलिसांनी वेश्याव्यवसायाशी संबंधित अनैतिक वाहतूक (प्रतिबंध) कायद्यांतर्गत अटक केली होती.
मुंबईतील ठाण्यात रिया बर्डे उर्फ बन्ना शेख हिला अटक करण्यात आली. बांगलादेशी ही मॉडेल संपूर्ण परिवारासोबत घुसखोरी करुन पश्चिम बंगालमध्ये आली. मुंबईतील ठाणे परिसरात रिया बर्डे म्हणून राहू लागली. परंतु तिचे खरे नाव बन्ना शेख. अडल्ट चित्रपटात काम करणारी ही पोर्न स्टार. घुसखोर असणाऱ्या तिच्या संपूर्ण परिवाराकडे आधार कार्ड, पासपोर्ट अन् वोटर आयडी आहे. बन्ना शेख तिची आई रुबी शेख बहीण मोनी शेख अन् भाऊ रियाज शेख हे चौघे घुसखोरी करुन बांगलादेशातून पश्चिम बंगालमध्ये आले.
बन्ना शेख बनली रिया बर्डे
पश्चिम बंगालमधील रूबी शेख हिची भेट अमरावतीमध्ये राहणाऱ्या अरविंद बर्डे यांच्याशी झाली. त्यानंतर रूबी शेख अन् अरविंद बर्डे यांनी लग्न केले. त्यानंतर बांगलादेशी मुस्लिम परिवार हिंदू झाला. रूबी शेख, अंजली बर्डे बनली. तिची बहीण मोनी शेख रितू बर्डे तर भाऊ रियाज शेख रवींद्र बर्डे बनला. स्वत: बन्ना शेख ही रिया बर्डे बनली. त्यानंतर संपूर्ण परिवाराचा आधार कार्ड, पासपोर्ट आणि व्होटर आयडी कार्ड बनवला गेला. त्यानंतर रूबी शेख लग्नानंतर कतरमध्ये गेली. तिची मुलगी बन्ना शेख भारताच अश्लील चित्रपटात काम करु लागली.
बांगलादेशी मॉडलने अभिनेत्री शिल्पा शेट्टी हिचे पती राज कुंद्रा याच्या प्रॉडक्शन हाउसमध्येही काम केले. राज कुंद्राचे हे प्रॉडक्शन हाउस अश्लील आणि अडल्ट चित्रपट बनवत होता. या प्रकरणात राज कुंद्रा याला अटकही झाली होती.
का केली अटक
बांगलादेशी अभिनेत्री रिया बर्डे उर्फ बन्ना शेख, हिला ठाणे पोलिसांनी बनावट कागदपत्रांवर भारतीय पासपोर्ट तयार केल्याच्या आरोपावरून अटक केली आहे. तिच्यावर भारतीय दंड संहिता कलम 420, 465, 468, 479, 34 आणि 14अ अंतर्गत गुन्हे दाखल करण्यात आले आहेत. रियाच्या कुटुंबानेही बनावट कागदपत्रांद्वारे भारतीय ओळख मिळवली होती.
या प्रकरणाचा तपास करणारे पोलीस उपनिरीक्षक संग्राम मालकर यांनी सांगितले की, रियाच्या आईने पश्चिम बंगालमधील असल्याचे सांगून बनावट कागदपत्रांद्वारे भारतीय नागरिकत्व मिळवले होते. याआधी रियाला मुंबई पोलिसांनी वेश्याव्यवसायाशी संबंधित अनैतिक वाहतूक (प्रतिबंध) कायद्यांतर्गत अटक केली होती. पोलिसांनी रियाच्या कुटुंबातील इतर सदस्यांवरही गुन्हा दाखल केला आहे. ज्यात तिची आई, वडील, भाऊ आणि बहीण यांचा समावेश आहे.
