Nagpur Youth Suicide : नागपूरमध्ये तरुणाची गळफास घेऊन आत्महत्या, बेरोजगारीला कंटाळून उचलले टोकाचे पाऊल
पवन ठाकरे हा उमरेड शहरातील लक्ष्मी नगर 2 भागात आपल्या कुटुंबासह राहत असून त्याने इंजिनिअरिंगचे शिक्षण घेतले आहे. मात्र उच्च शिक्षण घेऊनही पवन बेरोजगार होता. त्याला मनाप्रमाणे नोकरी मिळत नव्हती. त्यामुळे तो नौराश्येत होता. याच कारणातून त्याने आत्महत्येसारखे टोकाचे पाऊल उचलले.
नागपूर : बेरोजगारीला कंटाळून एका 25 वर्षाच्या तरुणाने गळफास घेत आत्महत्या (Suicide) केल्याची धक्कादायक घटना नागपूर जिल्ह्यातील उमरेड शहरात घडली आहे. पवन नरेंद्र ठाकरे असे मयत तरुणाचे नाव आहे. उच्चशिक्षित असून बेरोजगार (Unemployed) असल्याने नैराश्येतून पवने आपली जीवनयात्रा संपवली. उमरेड पोलिसांना घटनेची माहिती देण्यात आली. घटनेची माहिती मिळताच पोलिसांनी घटनास्थळी धाव घेत पंचनामा केला. मृतदेह ताब्यात घेत शवविच्छेदनासाठी उमरेड ग्रामीण रुग्णालयात पाठवला. पुढील तपास उमरेड पोलिस करीत आहेत. (A highly educated unemployed youth committed suicide by hanging himself in Nagpur)
इंजिनिअरिंगचे शिक्षण घेऊनही बेरोजगार होता
पवन ठाकरे हा उमरेड शहरातील लक्ष्मी नगर 2 भागात आपल्या कुटुंबासह राहत असून त्याने इंजिनिअरिंगचे शिक्षण घेतले आहे. मात्र उच्च शिक्षण घेऊनही पवन बेरोजगार होता. त्याला मनाप्रमाणे नोकरी मिळत नव्हती. त्यामुळे तो नौराश्येत होता. याच कारणातून त्याने आत्महत्येसारखे टोकाचे पाऊल उचलले. पवन रात्री उशिरापर्यंत अभ्यास करत असल्याने सकाळी उशिरा उठायचा. परंतु दुपारी 12 वाजून गेले तरी तो उठला नाही. या कारणाने घरच्यांनी रूमचा दरवाजा ठोठावला. मात्र आतून काहीच प्रतिउत्तर न आल्याने दार तोडून आत पाहिलं असता पवन गळफास घेतलेल्या अवस्थेत आढळला. लागलीच उमरेड पोलिसांना घटनेची माहिती देण्यात आली. उमरेड पोलीस घटनास्थळी पोहचून पंचनामा करून मृतदेह शवविच्छेदन पाठवला. पुढील तपास उमरेड पोलीस करीत आहे. (A highly educated unemployed youth committed suicide by hanging himself in Nagpur)
