Consumer Commission | एक-दोन नव्हे अल्ट्रासाउंडचे चारही रिपोर्ट चुकीचे! नागपुरातील लॅबला सव्वा कोटींचा दंड, जाणून घ्या काय आहे प्रकरण…
बाळाचा जन्म झाल्यानंतर माहिती झालं बाळाला बोट नाहीत. पायही पूर्णपणे तयार झालेले नाहीत. याला चुकीची अल्ट्रासाऊंड रिपोर्ट कारणीभूत असल्याचं सिद्ध झालं. पीडित महिला इमेजिंग पॉइंट लॅबमधून अल्ट्रासाऊंड करत होती. एनसीडीआरसीच्या दोन सदस्यीय चमूनं लॅबला बाळाच्या कल्याणासाठी मोबदला, भविष्याच्या उपचारासाठी तसेच कृत्रिम अंग खरेदी करण्यासाठी हा दंड ठोठावला.
नागपूर : नागपुरातल्या अल्ट्रासाऊंड लॅबनं चार वेळा रुग्णाचा चुकीचा अहवाल दिला. त्यामुळं या लॅबवर (Lab) मोठा दंड आकारण्यात आलाय. नॅशनल कंझुमर कमिशननं (National Consumer Commission) हा ऐतिहासिक निर्णय दिला. बाळाच्या आईवडिलांना दीड कोटी रुपये मोबदला देण्याचा निर्णय दिला. टाईम्स ऑफ इंडिया दिलेल्या बातमीनुसार, नागपुरात एक महिला गरोदरपणात अल्ट्रासाऊंड करत होती. परंतु, प्रत्येक वेळी तिला चुकीचा अहवाल दिला. त्यामुळं तिला झालेलं बाळ ही विकलांग झालं. बाळाच्या जन्मापूर्वीचं काही कमतरता राहतात. 17-18 आठवड्याची गरोदर असताना पोटातील बाळ विकलांग असेल, तर डॉक्टर त्यांनी अबॉर्शन (Abortion) करण्याचा सल्ला देतात.
चुकीच्या रिपोर्टमुळं विकलांग बाळ जन्माला
बाळाचा जन्म झाल्यानंतर माहिती झालं बाळाला बोट नाहीत. पायही पूर्णपणे तयार झालेले नाहीत. याला चुकीची अल्ट्रासाऊंड रिपोर्ट कारणीभूत असल्याचं सिद्ध झालं. पीडित महिला इमेजिंग पॉइंट लॅबमधून अल्ट्रासाऊंड करत होती. एनसीडीआरसीच्या दोन सदस्यीय चमूनं लॅबला बाळाच्या कल्याणासाठी मोबदला, भविष्याच्या उपचारासाठी तसेच कृत्रिम अंग खरेदी करण्यासाठी हा दंड ठोठावला.
16 वर्षानंतर मिळाला न्याय
ही घटना 2006 सालही आहे. डॉक्टरनं पीडित महिलेला या लॅबमध्ये जाण्याचा सल्ला दिला होता. परंतु, चारही रिपोर्ट चुकीचे निघाले. पीडित कुटुंबाने दहा कोटी रुपयांचा मोबदला देण्याची मागणी केली होती. मिळणारी रक्कम फिक्स डिपॉझिट ठेवावी, असं म्हटलं होतं. परंतु, एनसीडीआरसीच्या दोन सदस्यीच चमुनं सव्वा कोटी रुपयांचा मोबदला पीडितांना देण्याचा निर्णय दिला. त्यामुळं चुकीचं रिपोर्ट देणं या लॅबला चांगलच महागात पडलं.
उशिरा का होईना न्याय मिळाला
इमेजिंग पॉईंट या लॅबचे घटनेनंतर दो तुकटे झाले. न्यू इमेजिंग पॉईंट ही दुसरी लॅब तयार झाली. एखाद्या डॉक्टरच्या चुकीमुळं काय होऊ शकतं, याचं हे ज्वलंत उदाहरण आहे. म्हणून डॉक्टरांना भगवान समजलं जातं. पण, काही लोकं अशा चुकांवर पांघरून घालतात. एखाद्या वेळी रिपोर्ट चुकीचा येऊ शकतो. या प्रकरणात तब्बल चार वेळा रिपोर्ट चुकीचा देण्यात आला. त्यामुळं या लॅबला दंड ठोठावण्यात आला. उशिरा का होईना पण, पीडितेला न्याय मिळाला.
