Gadchiroli Crime : बांबू कटाईच्या पैशावरून मुलगा-वडिलात वाद, गडचिरोलीत मुलावरच झाडली बंदुकीची गोळी
मृतक रानू आत्राम हा वाहन चालक होता. पत्नी एक मुलगा एक मुलगी असं कुंटुब होतं. कर्ताच गेल्याने कुंटुबावर वा-यावर राहण्याची वेळ आली आहे. सदर भांडण झाल्यानंतर एक गोळी लागली होती.
गडचिरोली : बांबू कटाईच्या (bamboo cutting) पैशावरून मुलगा आणि वडिलांमध्ये वाद झाला. यात राग अनावर झाल्याने वडिलाने स्वतःच्या मुलावरच भरमार बंदुकीने गोळी झाडली. मृतक मुलाचे नाव रानू कोपा आत्राम (Ranu Atram) असं आहे. वडील आरोपी कोपा आत्रामला सध्या पोलिसांनी अटक केली. भरमार बंदुकही जप्त केली. आज अहेरी न्यायालयात (Aheri Court) आरोपीला हजर करण्यात आले. सदर आरोपीला चार दिवसाची पोलीस कोठडी मिळाली. भामरागड तालुक्यातील ताडगाव येथील घटना ही घटना आहे. सदर घटनेमुळे संताप व्यक्त केला जातो.
वाहन चालकाचं कुटुंब रस्त्यावर
मृतक रानू आत्राम हा वाहन चालक होता. पत्नी एक मुलगा एक मुलगी असं कुंटुब होतं. कर्ताच गेल्याने कुंटुबावर वा-यावर राहण्याची वेळ आली आहे. सदर भांडण झाल्यानंतर एक गोळी लागली होती. रुग्णालयात आल्यावर वैद्यकीय आधिकारी यांनी रानूला मृत घोषित केलं. सदर प्रकरणात ताडगाव पोलीस स्टेशनचे पोलीस उपनिरीक्षक तपास करीत आहेत.
नेमकं काय घडलं
मुलगा, वडिलांनी मिळून बांबू कटाई केली. त्याचा मोबदला मिळाला. माझ्या हिश्याला किती, तुझ्या हिश्याला किती, यावरून हा वाद झाला. हा वाद विकोपाला गेला. तेवढ्यात वडिलानं भरमार बंदूक काढली. गोळी थेट मुलाला लागली. मुलगा जखमी झाला. त्याला रुग्णालयात दाखल करण्यात आले. डॉक्टरांनी मुलाला मृत घोषित केले. या घटनेमुळं हळहळ व्यक्त केली जात आहे. पैसे कितीही कमवता येतील. पण, जवान मुलगा आता परत मिळणार नाही. आरोपी वडिलांना अटक करण्यात आली. राग हा किती वाईट असतो, याचा प्रत्यत आला. पण, आता पश्चातापाशिवाय काही उरले नाही.
