हनीमूनहून येत होते, अचानक डॉक्टरांना बोलावलं, सांगणही अवघड जातंय; काय घडलं?

Honeymoon News : लोक नेहमीच आपला हनीमून अविस्मरणीय होण्यासाठी आऊटडोरला जातात. एकमेकांना समजून घेण्याचा प्रयत्न करतात. पण मॅरिलँडच्या बाल्टीमोरमध्ये एक वेगळीच घटना घडली आहे. हवाईवरून येणाऱ्या एका फ्लाईटमध्ये एका डॉक्टराच्या मदतीमुळे एका महिला प्रवाशाचा जीव वाचला. हनीमूनहून येत असताना तिचा जीव वाचवण्यात आला. डॉ. जॅक्वेलिन लॅसेरा या हवाईवरून हनीमूनहून येत होत्या. येताना अचानाक त्यांची फ्लाईटमध्ये तब्येत बिघडली. तिची प्रकृती नाजूक झाली होती. मला मळमळ होत होती. त्यामुळे मी लगेचच बाथरूमकडे पळाले. त्यानंतर मी घामाघून झाले. माझ्या छातीत कळा येत होत्या, असं लॅसेरा म्हणाल्या.

मॅरिलँडच्या मेड स्टार फ्रँकलिन स्क्वायर मेडिकल सेंटरमध्ये आपत्कालीन कक्षातील आरोग्य साहयक असलेली एमिली हेली ही सुद्धा त्याच फ्लाईटमधून प्रवास करत होती. आम्ही झोपण्याची तयारी करत होतो. तेव्हा अचानक वैद्यकीत मदतीचा कॉल आला. त्यासरशी मी उठले आणि लॅसेराच्या संकेताची चौकशी केली. त्यावेळी ती एरिथमियाची शिकार असल्याचं जाणवलं, असं एमिली म्हणाली.

विमानातच ऑक्सिजन लावलं

तब्येत नाजूक झाल्यावर एमिलीने लॅसेराला पातळ पदार्थ खायला दिले आणि ऑक्सिजन लावलं. पण परिस्थितीत काही बदल झाला नाही. त्यानंतर तिने डिफिब्रिलेटरचा वापर केला. मी लॅसेराला म्हटलं की मला तुला शॉक द्यावा लागेल. त्यावर तिने सहमती दर्शवली. हा शॉक वेदनादायी होता. पण त्याने लॅसेराचा जीव वाचला, असं एमिलीने सांगितलं.

पत्र पाठवून आभार

फ्लाइट कॅलिफोर्नियाला लँड होईपर्यंत लॅसेराची तब्येत स्थिर होती. एअरलाईननेही मदत केल्याबद्दल एमिलीचे पत्र पाठवून आभार मानले आहेत. दोन्ही महिला संपर्कात असल्याचं सांगितलं जात आहे. लॅसेराने तिच्या काँग्रेस सदस्यांना विमानात आरोग्याची उचित सुविधा नसल्याची तक्रार केली आहे.

हनीमूनसाठी गेले होते

लॅसेरा आणि तिचा नवरा हे हनीमूनसाठी गेले होते. लॅसेरा ही 61 वर्षाची आहे. तिच्या आयुष्यातील हा खास क्षण होता. पण विमानातून परतत असताना अचानक तिची तब्येत ढासळली आणि सर्वांनाच घाम फुटला. लॅसेराला अशा अवस्थेत पाहून तिचा नवराही घामाघूम झाला होता. फ्लाईटमधील सर्व प्रवाशी काळजी करत होते. पण एमिलीने वेळीच प्रसंगावधान दाखवत सर्व परिस्थिती अत्यंत चाणाक्षपणे हाताळली आणि पुढील अनर्थ टळला.